ఎడ్ సెట్​ షెడ్యూల్​ విడుదల.. అప్పటి నుంచే దరఖాస్తుల స్వీకరణ

దిశ, తెలంగాణ బ్యూరో: టీఎస్ ఎడ్‌సెట్-2022 నోటిఫికేష‌న్ విడుద‌లైంది. 2022-23 విద్యా సంవ‌త్సరానికి గాను రెండేళ్ల బీఈడీ కోర్సుకు సంబంధించిన నోటిఫికేషన్​ను ఉన్నత విద్యామండలి చైర్మన్​లింబాద్రి, ఎడ్​సెట్​కన్వీనర్​రామకృష్ణ, కో కన్వీనర్ శంకర్ సోమవారం విడుదల చేశారు. ఈనెల 7వ తేదీ నుంచి దరఖాస్తులు ప్రారంభంకానున్నాయి. జూన్​15 వరకు ఆన్​లైన్‌లో దరఖాస్తులను స్వీకరించనున్నారు. రూ.250 ఆలస్య రుసుముతో జూలై 1 వరకు, రూ.500 ఆలస్య రుసుముతో జూలై 15వ తేదీ వరకు దరఖాస్తులకు అవకాశం కల్పించారు.

రిజిస్ట్రేషన్​ఫీజు రూ.650 జనరల్​అభ్యర్థులకు, ఎస్సీ, ఎస్టీ, దివ్యాంగులకు రూ.450 ఫీజుగా అధికారులు నిర్ణయించారు. జూలై 26, 27 తేదీల్లో పరీక్షలు నిర్వహిస్తున్నారు. 19 రీజినల్​సెంటర్లలో 55 కేంద్రాల్లో పరీక్షను నిర్వహించనున్నట్లు వారు వెల్లడించారు. ఇందులో 17 రీజినల్​సెంటర్లు తెలంగాణలో ఉండగా, రెండు సెంటర్లు ఏపీలోని కర్నూల్, విజయవాడ కేంద్రంగా పరీక్షలు నిర్వహిస్తున్నారు. ఇతర వివరాలకు https://edcet.tsche.ac.in లేదా http://www.tsche.ac.in వెబ్​సైట్‌ను సంప్రదించాలని విజ్ఞప్తి చేశారు. తెలంగాణ వ్యాప్తంగా 220 బీఎడ్ క‌ళాశాలల్లో 19,600 సీట్లు ఉన్నాయి. కాగా గ‌తేడాది నిర్వహించిన ఎడ్‌సెట్‌లో 33,683 మంది విద్యార్థులు అర్హత సాధించారు.