స్టార్ డైరెక్టర్ మొదటి కల నెరవేరుస్తున్న చిరంజీవి

దిశ, వెబ్‌డెస్క్ : మెగాస్టార్ నటిస్తున్న చిత్రం గాడ్ ఫాదర్. చిరంజీవి 153వ సినిమాగా ఇది తెరకెక్కుతుంది. అయితే ఈ సినిమాను మోస్ట్ అవైటెడ్ ఫిల్మ్‌గా మార్చడానికి ఎటువంటి రాయిని వదిలిపెట్టడం లేదు నిర్మాతలు. మోహన్ రాజా దర్శకత్వం వహిస్తున్న ఈ చిత్రంలో బాలీవుడ్ సూపర్ స్టార్ సల్మాన్ ఖాన్ ఓ ప్రధాన పాత్ర పోషిస్తూ టాలీవుడ్‌లో అరంగేట్రం చేయగా, ఇప్పుడు గాడ్‌ఫాదర్‌లో పూరీ జగన్నాథ్ కూడా చేరాడు.

తాజాగా చిరు.. తన సినిమాలో స్టార్ డైరెక్టర్ పూరీ జగన్నాథ్ నటిస్తున్నట్లు తెలిపారు. నర్సీపట్నం నుంచి ఓ కుర్రాడు, వెండితెర పైన నటుడిగా వెలుగు వెలగాలని,హైదరాబాద్ వచ్చాడు. ఒకటి అరా వేషాలు వేసాడు ఇంతలో కాలం చక్రం తిప్పింది. స్టార్ డైరెక్టర్ అయ్యాడు. కానీ, అతని మొదటి కల అలా మిగిలిపోకూడదు కదా.. అందుకే ఇంట్రడ్యూసింగ్ మై పూరి జగన్నాథ్ ఇన్ ఎ స్పెషల్ రోల్ ఫ్రమ్ ద సెట్స్ ఆఫ్ గాడ్ ఫాదర్ అంటూ' చిరు ట్వీట్ చేశారు. ప్రస్తుతం ఈ ట్వీట్ వైరల్‌గా మారింది. ఇక పూరీ శనివారం( ఈ రోజు) నుంచే గాడ్ ఫాదర్ చిత్రంలో షూటింగ్ ప్రారంభించారు. తన మొదటి కలను నేరవేర్చుకుంటున్న సందర్భంగా పూరీ తన సినిమాలకు నిర్మాణ భాగస్వామి అయిన చార్మీని కూడా సినిమా సెట్స్‌కి తీసుకెళ్లారు. ఇక ఇందులో నయనతార పవర్ ఫుల్ పాత్రలో నటిస్తుండగా, సత్యదేవ్ కీలక పాత్రలో కనిపించనున్నారు.

నర్సీపట్నం నుంచి ఓ కుర్రాడు,వెండితెర పైన నటుడిగా వెలుగు వెలగాలని,హైదరాబాద్ వచ్చాడు.ఒకటి అరా వేషాలు వేసాడు ఇంతలో కాలం చక్రం తిప్పింది.స్టార్ డైరెక్టర్ అయ్యాడు.కానీ అతని మొదటి కల అలా మిగిలిపోకూడదు కదా..అందుకే
introducing my @purijagan in a special role,from the sets of #Godfather pic.twitter.com/8NuNuoY33j

— Chiranjeevi Konidela (@KChiruTweets) April 9, 2022