ఢిల్లీలో కరోనా ఉధృతి.. ఒక్కరోజే 1000 పైగా కేసులు నమోదు

దిశ, వెబ్‌డెస్క్: దేశ రాజధాని ఢిల్లీలో కరోనా కేసులు భారీగా పెరుగుతున్నాయి. ఢిల్లీ నగర ఆరోగ్య శాఖ తెలిపిన డేటా ప్రకారం రాజధానిలో 1,375 కొత్త పాజిటివ్ కేసులు నమోదయ్యాయి. అంతకు ముందు సోమవారం 614 కేసులు నమోదయ్యాయి. మే 4 తర్వాత నమోదైన అత్యధిక కేసుల సంఖ్య ఇదే కావడం ఢిల్లీ ప్రజలను కలవర పెడుతుంది. అలాగే ఢిల్లీలో వరుసగా నాలుగు రోజుల నుంచి 600 పైగా కరోనా పాజిటివ్ కేసులు నమోదవుతున్నాయి. దేశ రాజధానిలో ఈ విధంగా కరోనా పాజిటివ్ కేసులు పెరుగుతుండటంతో ప్రజలు తీవ్ర భయాందోళన చెందుతున్నారు.