గిన్నెలో చిన్నపిల్లలను కూర్చోపెట్టి వాగు దాటిస్తున్న పెద్దలు(వీడియో)

దిశ, వెబ్ డెస్క్: దేశవ్యాప్తంగా పలు రాష్ట్రాల్లో వర్షాలు దంచికొడుతున్నాయి. ఛత్తీస్ గఢ్ రాష్ట్రంలో కూడా వర్షాలు జోరుగా కురుస్తున్నాయి. వాగులు, వంకలు పొంగిపొర్లుతుండడంతో బస్తర్ జిల్లాలోని అరణ్య ప్రాంతాల్లో నివసించే ప్రజలు సురక్షిత ప్రాంతాలకు తరలివెళ్తున్నారు. అయితే, ఈ క్రమంలో వారు తీవ్ర ఇబ్బందులు పడుతూ సురక్షిత ప్రాంతాలకు చేరుకుంటున్నారు. చిన్న పిల్లలను వంట పాత్రలో కూర్చోపెట్టి ఇద్దరు వ్యక్తులు వాగు దాటిస్తున్న దృశ్యాన్ని ఈ వీడియోలో చూడొచ్చు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతుంది.