ఉపాధ్యాయుడు పై తల్లిదండ్రుల దాడి

దిశ, నూతనకల్: ఉపాధ్యాయుడి పై తల్లిదండ్రుల దాడి చేసిన ఘటన నూతనకల్ మండల పరిధిలోని ప్రాథమిక పాఠశాలలో చోటు చేసుకుంది. గ్రామస్తులు తెలిపిన వివరాల ప్రకారం..బికుమళ్ళ ప్రాథమిక పాఠశాలలో ఐదో తరగతి విద్యార్థిని పట్ల ఉపాధ్యాయుడు సుదర్శన్ రెడ్డి అసభ్యంగా ప్రవర్తించాడని తల్లిదండ్రులు ఆరోపిస్తూ దాడి చేశారు. ఈ విషయం తెలుసుకున్న పోలీసులు ఉపాధ్యాయున్ని పోలీస్ స్టేషన్‌కు తరలించారు.

ఈ విషయంపై ఉపాధ్యాయుని వివరణ కోరగా మిరియాల ప్రాథమిక పాఠశాలలో విధులు నిర్వహిస్తున్నాను. మహిళా దినోత్సవం సందర్భంగా బికుమళ్ళ పాఠశాలల్లో మహిళా ఉపాధ్యాయురాలు కి సెలవు ఉన్నందున ఎంఈవో ఆదేశాల మేరకు ఆ పాఠశాలలో విధులు నిర్వహించాను. పిల్లల పట్ల నేను అసభ్యంగా ప్రవర్తించ లేదని అన్నారు. ఈ సంఘటన పై తమకు ఎలాంటి ఫిర్యాదు రాలేదని ఎస్ఐ ప్రసాద్ తెలిపారు.