ప్రియురాల్ని కాపాడటానికి గ‌న్‌కు ఎదురుగా నిల‌బ‌డిన వ్యక్తి! (వీడియో)
దిశ, వెబ్‌డెస్క్ః జీవితభాగ‌స్వామి అంటే ప్రేమ ఉన్న‌వారు వాళ్ల కోసం ఏమైనా చేయ‌గ‌ల‌రు. ఇలాగే, ఓ వ్యక్తి తనకు కాబోయే భార్య‌ను రక్షించడానికి గ‌న్నుకు ఎదురుగా వెళ్లి పోరాడాడు. సీసీ టీవీకి చిక్కిన ఆ దృశ్యాలు ఇప్పుడు ఇంట‌ర్నెట్‌లో చ‌క్క‌ర్లు కొడుతున్నాయి. ఇంటిని దోచుకుపోదామ‌ని, షాట్‌గన్ పట్టుకుని వ‌చ్చిన దుండ‌గుడితో పోరాడి హీరోగా నిలిచిన కాస్పియన్ షామెల్ నెట్టింట్లో వైర‌ల్ అయ్యాడు. షామెల్‌కు కాబోయే భార్య ఇసాబెల్లె, అత‌ను రాత్రి ఇంట్లో కూర్చొని, టీవీలో రాబోయే క్రైమ్ డాక్యుమెంటరీ సిరీస్ చూడటానికి సిద్ధమవుతున్నారు. అదే స‌మ‌యంలో ముసుగు ధరించిన ఒక దొంగ, చేతిలో షాట్‌గన్‌తో వారి అపార్ట్‌మెంట్‌లోకి ప్రవేశించాడు. సోఫాలో ఫోన్ చూస్తూ కూర్చున్న ఇసాబెల్లే మొదటిగా దొంగ‌ను గమనించింది. అప్పుడు షామెల్ కాస్పియన్ వంటగదిలో ఉన్నాడు. ముసుగుప్రియురాల్ని కాపాడటానికి గ‌న్‌కు ఎదురుగా నిల‌బ‌డిన వ్యక్తి! (వీడియో) ధరించిన వ్యక్తి షాట్‌గన్‌ని ఇసాబెల్లెపై గురిపెట్టిన‌ప్పుడు హ‌టాత్తుగా వ‌చ్చిన షామెల్ షాట్‌గన్ బారెల్‌ని పట్టుకుని, దొంగ‌తో పోరాటం చేశాడు. ఈలోపు ఇసాబెల్లె ఎమర్జెన్సీ సర్వీస్‌లకు కాల్ చేసింది. షామెల్ చేతిలో ఓడిపోయిన దొంగ, చివరికి సంఘటన స్థలం నుండి పారిపోయాడు. కాని దారి మ‌ధ్య‌లో పోలీసులు పట్టుబ‌డ్డాడు. ఇది షామెల్ ఇంట్లోని సీసీ టీవీలో రికార్డు అవ‌గా, దాన్ని అత‌డు సోష‌ల్ మీడియాలో పెట్టాడు. అత‌ని, ధైర్యసాహసాలకు నెటిజన్లు ప్రశంసలు కురిపిస్తున్నారు. కాబోయే భార్య‌ను ప్రాణాల‌కు తెగించి కాపాడినందుకు ప్రశంసలు కురిపిస్తున్నారు.
