రాజమౌళి 'RRR'కు షాకిచ్చిన 'భీమ్లానాయక్'
దిశ, వెబ్‌డెస్క్: పవర్ స్టార్ పవన్ కల్యాణ్, దగ్గుబాటి రానా ప్రధాన పాత్రల్లోతెరకెక్కిన చిత్రం భీమ్లానాయక్. ప్రపంచ వ్యాప్తంగా ఫిబ్రవరి ఫిబ్రవరి 25వ తేదీన రిలీజ్ అయిన భీమ్లానాయక్.. పవన్ కల్యాణ్, రానా పవర్ ప్యాక్డ్ ఫర్పామెన్స్‌తో భారీ విజయాన్ని అందుకుంది. కాగా, థియేటర్లలో ఇప్పటికే అభిమానులను ఉర్రుతలూగించిన భీమ్లానాయక్.. ఇక ఓటీటీలో అలరించేందుకు సిద్ధమైంది. మార్చి 25వ తేదీ నుండి భీమ్లానాయక్ ప్రముఖ ఓటీటీ సంస్థ 'ఆహా'లో స్ట్రీమింగ్ కానుందని సదరు ఓటీటీ సంస్థ ప్రకటించింది. అంతేగాకుండా మరో ప్రముఖ సంస్థ హాట్‌స్టార్‌లో కూడా అదే రోజు అలరించనుంది. మలయాళ హిట్ 'అయ్యప్పనుమ్ కోశియుమ్' రీమేక్‌గా తెరకెక్కిన ఈ చిత్రానికి సాగర్ కె.చంద్ర దర్శకత్వం వహించారు. పవన్ పవర్ ఫుల్ పోలీస్ అధికారిగా నటించగా.. రానా నెగటివ్ రోల్‌లో మెప్పించారు. నిత్యామేనన్, సంయుక్త మేనన్ హీరోయిన్లుగా నటించారు. స్క్రీన్ప్లే-మాటలు త్రివిక్రమ్ అందించగా.. సూర్యదేవర నాగవంశీ నిర్మించారు. అయితే, అదే రోజున దిగ్గజ దర్శకుడు రాజమౌళి ప్రతిష్టాత్మకంగా తెరకెక్కించిన 'ఆర్ఆర్ఆర్' ప్రపంచ వ్యాప్తంగా థియేటర్లలో విడుదల కానుంది.
