Devaki Nandana Vasudeva : అశోక్‌ గల్లా ‘దేవకీ నందన వాసుదేవ’ ట్రైల‌ర్ రిలీజ్

దిశ, వెబ్ డెస్క్ : సూప‌ర్ స్టార్ మ‌హేశ్ బాబు మేనల్లుడు అశోక్‌ గల్లా హీరోగా న‌టిస్తున్న మూవీ ‘దేవకీ నందన వాసుదేవ’. గుణ 369 ఫేమ్ అర్జున్ జంధ్యాల డైరెక్షన్ లో ఈ మూవీ తెర‌కెక్కింది. మానస వారణాసి హీరోయిన్ గా చేస్తున్న ఈ సినిమా లలితాంబిక ప్రొడక్షన్స్‌ బ్యానర్ పై సోమినేని బాలకృష్ణ నిర్మిస్తున్నారు. ఈ సినిమా న‌వంబ‌ర్ 22న ఆడియెన్స్ ముందుకు రానుంది. ఈ క్రమంలోనే మూవీ టీమ్ ప్ర‌మోష‌న‌ల్ కార్య‌క్రమాల్లో బిజీ అయింది.

అందులో భాగంగానే, నేడు ఈ సినిమా ట్రైల‌ర్ ను రిలీజ్ చేశారు. ఈ భూమి మీద ఎక్క‌డా లేని విధంగా సుద‌ర్శ‌న చ‌క్రంతో వాసుదేవుడి విగ్ర‌హం ఉంది అని సాయి కుమార్ చెప్పే డైలాగ్‌తో ట్రైల‌ర్ ప్రారంభ‌మైంది. సినిమాలో యాక్షన్ సీన్స్ బాగా తీశారు. మొత్తంగా ట్రైల‌ర్ మూవీ పై అంచ‌నాల‌ను పెంచేసింది.

ఈ మూవీకి హను మాన్ ఫేమ్ డైరెక్టర్ ప్రశాంత్ వర్మ కథ అందించారు. సాయి మాధవ్ బుర్రా డైలాగ్స్ రాయ‌గా.. ప్రసాద్ మూరెళ్ల, రసూల్ ఎల్లోర్ సినిమాటోగ్రఫీగా పనిచేసారు.