పదోన్నతులు కల్పించి.. పక్కన పెట్టేశారు..!?
దిశ, తెలంగాణ బ్యూరో : అనస్థీషియా విభాగంలోని అసోసియేట్ప్రొఫెసర్లకు పదోన్నతులు కల్పించినా సర్కార్, ఇప్పటి వరకు పోస్టింగ్‌లు ఇవ్వలేదు. డీపీసీ పూర్తయి నెల రోజులు గడుస్తున్నా ఇప్పటికీ పోస్టింగ్‌ల ఫైల్ ముందుకు సాగడం లేదు. కేవలం మంత్రి హరీష్రావు సంతకం కాలేదని అధికారులు ఆపుతున్నట్లు విశ్వసనీయ సమాచారం. దీంతో సుమారు 30 మంది అనస్థీషియా డాక్టర్లు పోస్టింగ్‌ల కోసం ఎదురుచూస్తున్నారు. మంత్రిగా బాధ్యతలు చేపట్టిన తర్వాత అన్ని విభాగాల పదోన్నతులు, పోస్టింగ్స్‌‌ను క్లియర్ చేసిన హరీష్రావు దీన్ని మాత్రమే ఆపడంపై అనస్థీషియా డాక్టర్లు అసంతృప్తిని వ్యక్తం చేస్తున్నారు. పోస్టింగ్‌లు వేగంగా ఇవ్వాలని కోరుతున్నారు.
డీపీసీ సమయంలోనూ అంతే...
30 మంది అసోసియేట్ ప్రొఫెసర్లకు పదోన్నతులు కల్పించేందుకు పెట్టిన ఫైల్‌ను ఉన్నతాధికారులు చివరి నిమిషం వరకు క్లీయర్చేయలేదు. నెలలుగా పెండింగ్పెట్టి డీపీసీ చివరి తేది ఫిబ్రవరి నెలలలో మూవ్చేశారు. ప్రమోషన్లు జరిగినా పోస్టింగ్‌లు ఇవ్వకపోవడం దారుణమని సదరు లిస్టులో ఉన్నే ప్రొఫెసర్లు వాపోతున్నారు.
మెడికల్ కాలేజీలకు మేలు....
మెడికల్ డిపార్ట్మెంట్‌లో అనస్థీషియా విభాగం చాలా కీలకం. సర్జరీలు నిర్వహించడంలో ఈ విభాగపు డాక్టర్ల పాత్ర చాలా అవసరం ఉంటుంది. దీంతో ప్రస్తుతం ప్రమోషన్లు పొందిన డాక్టర్లను ప్రొఫెసర్లుగా కొత్త మెడికల్ కాలేజీలకు పంపడం వలన మెడికల్ విద్యార్థులకు, పేషెంట్లకు ఎంతో లాభం చేరుతుందని మెడికల్ ఎక్స్పర్ట్స్ చెబుతున్నారు. కానీ సర్కార్ఆ దిశగా ఎందుకు ఆలోచించడం లేదో? అర్థం కావడం లేదని స్వయంగా ప్రభుత్వ డాక్టర్లు మండిపడుతున్నారు.
