ప్రతీకారానికి అందమైన ముఖం ఉంటే.. పొన్నియిన్ సెల్వన్‌లో ఐశ్వర్య లుక్
దిశ, సినిమా : మణిరత్నం దర్శకత్వంలో అత్యంత ప్రతిష్టాత్మకంగా తెరకెక్కుతున్న చిత్రం 'పొన్నియిన్ సెల్వన్'. ఐశ్యర్య రాయ్ కీలక పాత్ర పోషిస్తున్న ఈ చిత్రం నుంచి తాజాగా ఆమె ఫస్ట్ లుక్ రిలీజ్ చేశారు మేకర్స్. సాధారణంగానే అందానికి ప్రతిబింబంలా కనిపించే ఐశ్యర్య.. ఈ లుక్‌లో అంతకు రెట్టింపు బ్యూటీనెస్‌తో మెరిసిపోయింది. ఆమె చీర, పొడవాటి జుట్టు, మంత్రముగ్ధులను చేసే కళ్లు.. సౌందర్య పిపసాకులకు ఐఫీస్ట్ ఫీలింగ్ ఇచ్చాయి.
ఈ పోస్ట్‌ను ట్విట్టర్‌‌లో పంచుకున్న లైకా ప్రొడక్షన్స్.. 'ప్రతీకారానికి అందమైన ముఖం ఉంది. పజువూరు మహారాణి నందినిని కలవండి! #PS1 సెప్టెంబర్ 30న తమిళం, హిందీ, తెలుగు, మలయాళం, కన్నడ భాషల్లో విడుదలవనుంది' అంటూ నోట్ షేర్ చేసింది. ఈ మూవీలో విక్రమ్, జయం రవి, కార్తి, త్రిష, ఐశ్వర్య లక్ష్మి, శరత్ కుమార్, విక్రమ్ ప్రభు, శోభిత ధూళిపాళ, జయరామ్, ప్రభు, పార్థీబన్ తదితరులు నటిస్తున్న సంగతి తెలిసిందే.
Vengeance has a beautiful face! Meet Nandini, the Queen of Pazhuvoor! #PS1 releasing in theatres on 30th September in Tamil, Hindi, Telugu, Malayalam and Kannada. 🗡@madrastalkies_ #ManiRatnam @arrahman pic.twitter.com/HUD6c2DHiv
— Lyca Productions (@LycaProductions) July 6, 2022
