ఆ పార్టీకి ఓటేయాలన్న టాలీవుడ్ యాక్టర్.. కేటీఆర్ రియాక్షన్ ఇదే! (వీడియో)

దిశ, వెబ్‌డెస్క్: తెలంగాణలో అసెంబ్లీ ఎన్నికల ప్రచార పర్వం మరి కొన్ని గంటల్లో ముగియనుంది. దీంతో ప్రధాన పార్టీల అభ్యర్థులంతా ఫినిషింగ్ టచ్ ఇవ్వడానికి సిద్ధయ్యారు. ఈ క్రమంలోనే కాంగ్రెస్ తరపున రాహుల్, ప్రియాంక, ఖర్గే, బీఆర్ఎస్ తరపున సీఎం కేసీఆర్, హరీశ్ రావు, బీజేపీ తరపున ప్రధాని మోడీ, అమిత్ షాలు రెడీ అయ్యారు. వీలైనన్ని నియోజకవర్గాలు చుట్టేసి జనాల్ని తమవైపు తిప్పుకునేలా ప్లాన్ చేశారు. ఈ క్రమంలో ఓటు విలవను తెలియజేస్తూ టాలీవుడ్ యాక్టర్ ఉత్తేజ్ ఓ ఆసక్తికరమైన వీడియో విడదల చేశారు.

ఓటు అనేది మన చేతిలో ఉన్న వజ్రాయుధమని అన్నారు. రాష్ట్రపతి సంతకానికి ఉన్నంత విలువ మన ఓటు హక్కుకు ఉందని వెల్లడించారు. ఇప్పుడు మనం జాగ్రత్తగా ఓటు వేయకపోతే, ఐదేళ్ల భవిష్యత్‌ను కోల్పోతామని, అందుకే ఆచితూచి ఓటు వేయాలని పిలుపునిచ్చారు. చివర్లో ‘సాధ్యం కాదనుకున్న తెలంగాణ ఏర్పడిందని.. ఊహించని రీతిలో అభివృద్ధి జరిగిందని.. అభివృద్ధివైపే మన ఓటు కూడా పడాలని.. ఓటును జాగ్రత్తగా డ్రైవ్ చేయండి’ అంటూ బీఆర్ఎస్‌కు ఓటు వేయాలని పరోక్షంగా హింట్ ఇచ్చారు. దీనికి మంత్రి కేటీఆర్‌కు స్పందిస్తూ ‘కృతజ్ఞతలు ఉత్తేజ్ గారు’ అని రీట్వీట్ చేశారు.