రిజైన్ చేసినా బీఆర్ఎస్ ఫ్లెక్సీల్లో మైనంపల్లి ఫోటో!

దిశ, డైనమిక్ బ్యూరో: ఎన్నికలు దగ్గర పడుతున్న వేళ రాజకీయ పార్టీలు ప్రజలకు చేరువ అయ్యేందుకు విశ్వ ప్రయత్నం చేస్తున్నాయి. గణేష్ చతుర్థి వేడుకలను సైతం రాజకీయ నాయకులు తమకు అనుకూలంగా ఉపయోగించుకుంటున్నాయి. ఈ క్రమంలో నిమజ్జనం సందర్భంగా హైదరాబాద్ నగరంలో శోభాయాత్రల సందడి నెలకొంది. ఈ సందర్భంగా మోజమ్ జాహీ(ఎంజే) మార్కెట్ వద్ద బీఆర్ఎస్ నేతలు ఏర్పాటు చేసిన ఫ్లెక్సీలు ఆసక్తిగా మారాయి.

ఎంజే మార్కెట్ పరిసర ప్రాంతాల్లో పొలిటికల్ ఫ్లెక్సీ నిండిపోయాయి. అయితే, బీఆర్ఎస్ పార్టీ ఏర్పాటు చేసిన ఫ్లెక్సీ్ల్లో పార్టీకి రాజీనామా చేసిన మైనంపల్లి హనుమంతరావు ఫొటోలు ఉండటం హాట్ టాపిక్ అయింది. టికెట్ల కేటాయింపు అంశంలో మైనంపల్లి పార్టీకి రాజీనామా చేసి ఐదు రోజులు గడుస్తోంది. అయినా బీఆర్ఎస్ పార్టీ ఫ్లెక్సీలో ఆయన ఫొటో ఉండటం రాజకీయ వర్గాల్లో చర్చనీయాశంగా మారింది.