తుక్కుగూడ సభలో వీహెచ్ హాట్ కామెంట్స్

దిశ, డైనమిక్ బ్యూరో: కేసీఆర్ ఒక్కడే పోరాటితే తెలంగాణ రాలేదని.. ఈ ప్రాంతానికి జరుగుతున్న అన్యాయంపై విద్యార్థులు ఉద్యమం ప్రారంభిస్తే చంద్రబాబు పదవి ఇవ్వకపోతే కేసీఆర్ తెలంగాణ ఉద్యమాన్ని ఎత్తుకున్నారని కాంగ్రెస్ సీనియర్ నేత వీహెచ్ ఫైర్ అయ్యారు. ఇవాళ స్వరాష్ట్రాన్ని మేము తెచ్చామని బీఆర్ఎస్ చెబుతోందని ఒక్క ఎంపీతో తెలంగాణ ఏర్పాటు సాధ్యమా అని ప్రశ్నించారు. సోనియా గాంధీ చెప్పిన ప్రకారం తెలంగాణ ఇచ్చిందని అన్నారు. బీఆర్ఎస్, బీజేపీ రెండు ఒక్కటే అని ఈ రెండు పార్టీల డ్రామాలను ప్రజలు ఆలోచన చేయాలని కోరారు. రాబోయే రోజుల్లో ముస్లింల రిజర్వేషన్లు ఎత్తివేస్తామని కర్నాటకలో అమిత్ షా అంటే కేసీఆర్ ఒక్కసారి కూడా ఖండించలేదని మండిపడ్డారు. సెప్టెంబర్ 17తో బీజేపీకి ఎలాంటి సంబంధం లేదని తెలంగాణ సాయుధ పోరాటంలో బీజేపీ నేతలు ఉన్నారా అని ప్రశ్నించారు.