సోనియా గాంధీ జన్మదినం.. తెలంగాణ ప్రజలకు ఓ పండుగ

దిశ, కొత్తగూడ : సోనియా గాంధీ జన్మదినం తెలంగాణ ప్రజలకు పండుగ దినమని కొత్తగూడ మండల జడ్పీటీసీ పుల్సాం పుష్పలత శ్రీనివాస్ అన్నారు. శనివారం కొత్తగూడ, గంగారం మండల కేంద్రంలోని కొత్తగూడ ఎంపీపీ బానోత్ విజయ రూప్ సింగ్, గంగారం మండలంలోని కాంగ్రెస్ పార్టీ మండల అధ్యక్షులు జాడి సారయ్య ఆధ్వర్యంలో సోనియా గాంధీ 78వ పుట్టినరోజు వేడుకలను ఘనంగా నిర్వహించారు. ఈ సందర్భంగా కొత్తగూడ జడ్పీటీసీ పుల్సాం పుష్పలత శ్రీనివాస్ మాట్లాడుతూ సోనియా గాంధీ జన్మదినం రోజే ప్రత్యేక రాష్ట్రం ప్రకటన వచ్చిందని గుర్తు చేశారు.

ఇచ్చిన మాట ప్రకారం సోనియా గాంధీ తెలంగాణ ఇచ్చారన్నారు. తెలంగాణ తల్లి ఎలా ఉంటుందో మనం చూడలేదని, సోనియమ్మ రూపంలో ఉంటుందని భరోసా ఇచ్చారన్నారు. కాంగ్రెస్ ప్రభుత్వం ప్రజల ప్రభుత్వమని పేర్కొన్నారు. ఈ కార్యక్రమంలో గంగారం జడ్పీటీసీ ఈసం రమ సురేష్, ఎంపీపీ సువర్ణపాక సరోజన జగ్గారావు, ఎంపీటీసీ సాలూకి సురేష్, సర్పంచ్ లు, కాంగ్రెస్ యువనాయకులు కంగాల రాజశేఖర్, ఎన్ఎస్యూఐ మండల అధ్యక్షులు వినోద్ తదితరులు పాల్గొన్నారు.