రోడ్డు ప్రమాదంలో యువకుడి మృతి

దిశ, ములుగు ప్రతినిధి: ములుగు జిల్లా వేంకటాపూర్ మండలం జవహర్ నగర్ సమీపంలోని గట్టమ్మ టెంపుల్ సమీపంలో రోడ్డు ప్రమాదం జరిగింది. హరిత కాకతీయ హోటల్ వద్ద మధ్యాహ్నం జరిగిన ప్రమాదంలో నందికొండూరు సతీష్ బాబు (33) అక్కడికక్కడే మృతి చెందాడు. గోవిందరావుపేట నుంచి ములుగుకు వస్తున్న కారు బైక్ ను చాలా వేగంగా ఢీ కొట్టింది. దీంతో యువకుడు అక్కడికక్కడే మృతి చెందాడు. కాగా, కారు చాలా వేగంగా వచ్చి బైక్ ను ఢీకొట్టడంతో ఈ ప్రమాదం జరిగిందని స్థానికులు తెలిపారు. కారు డ్రైవర్ పరారీలో ఉండగా..ఈ ప్రమాద ఘటనకు సంబంధించి పూర్తి వివరాలు తెలియాల్సి ఉంది. పోలీసులు ఘటన స్థలానికి చేరుకుని కేసు నమోదు చేసి దర్యాప్తు చేస్తున్నారు.