పరకాలలో ఘనంగా బీఆర్ఎస్ ప్రతినిధుల సమావేశం..
దిశ, హనుమకొండ టౌన్: బీఆర్ఎస్ ఆవిర్భావం నేపథ్యంలో పరకాల పట్టణంలోని లలిత కన్వెన్షన్ హాల్ లో బీఆర్ఎస్ నియోజకవర్గ ప్రతినిధుల సమావేశం ఘనంగా ఏర్పాటు చేశారు. ఈ సమావేశానికి ముఖ్య అతిథులుగా వరంగల్ పార్లమెంట్ సభ్యులు పసునూరి దయాకర్, స్థానిక శాసనసభ్యులు చల్లా ధర్మారెడ్డి హాజరయ్యారు. సమావేశానికి ముందుగా పార్టీ జెండాను ఎమ్మెల్యే ఎగరేశారు. అనంతరం వేదికపై ఏర్పాటు చేసిన తెలంగాణ తల్లి చిత్రపటానికి పూలమాల వేశారు.
అలాగే అమరవీరుల స్థూపానికి, ప్రొఫెసర్ జయశంకర్ చిత్రపటానికి పూలమాలలతో నివాళులు అర్పించారు. అనంతరం తెలంగాణ అమరుల స్మరణలో రెండు నిమిషాలు మౌనం పాటించారు. ఈ సందర్భంగా ఏర్పాటు చేసిన సమావేశంలో ఎమ్మెల్యే మాట్లాడుతూ పార్టీ కార్యకర్తలకు, నాయకులకు ఆవిర్భావ దినోత్సవ శుభాకాంక్షలు తెలియజేశారు. సీఎం కేసీఆర్ పోరాట స్ఫూర్తినీ గుర్తు చేసుకుంటూ నాటి పోరాట యోధులను స్మరిస్తూ, వారి స్ఫూర్తితో తెలంగాణ రాష్ట్రంలో జరగుతున్న ప్రగతిని గుర్తుచేసుకునేలా ఈ వేడుకలను ఘనంగా నిర్వహించుకోవడం గర్వంగా ఉందన్నారు. ఈ కార్యక్రమంలో బీఆర్ఎస్ ప్రజా ప్రతినిధులు తదితరులు పాల్గొన్నారు.
