వేణుగోపాల స్వామి బ్రహ్మోత్సవాలు : పాల్గొన్న భట్టి విక్రమార్క దంపతులు

దిశ, వైరా : తెలంగాణ సరిహద్దు ప్రాంతమైన ఆంధ్రప్రదేశ్ రాష్ట్రం ఎన్టీఆర్ జిల్లా గంపలగూడెం మండలంలోని నెమలి గ్రామంలో నిర్వహిస్తున్న శ్రీ వేణుగోపాల స్వామి బ్రహ్మోత్సవాలల్లో మంగళవారం సీఎల్పీ నేత మల్లు భట్టి విక్రమార్క, నందిని దంపతులు పాల్గొన్నారు. ముందుగా భట్టి విక్రమార్క నందిని దంపతులకు వేణుగోపాల స్వామి దేవాలయ అర్చకులు ఆలయ సాంప్రదాయాల ప్రకారం పూర్ణకుంభంతో ఘన స్వాగతం పలికారు. ఈ సందర్భంగా భట్టి విక్రమార్క దంపతులు స్వామి వారికి ప్రత్యేక అభిషేకాలు నిర్వహించారు.

అదేవిధంగా ప్రత్యేక పూజలు నిర్వహించి వేణుగోపాల స్వామి వారిని దర్శించుకున్నారు. భట్టి విక్రమార్క దంపతులను వేదమంత్రాలతో అర్చకులు ఆశీర్వదించి పూలమాలలు వేసి శాలువాలు కప్పి ఘనంగా సన్మానించారు. అనంతరం వేణుగోపాల స్వామి దేవాలయ చైర్మన్ కావూరి శశికళ భట్టి విక్రమార్క దంపతులకు స్వామివారి చిత్రపటాన్ని, ప్రసాదాలను అందజేశారు. ఈ కార్యక్రమంలో కాంగ్రెస్ వైరా మండల అధ్యక్షులు శీలం వెంకటనర్సిరెడ్డి, సీనియర్ నాయకులు పాలేటి నరసింహారావు పాల్గొన్నారు.