TS Elections : సీఎం కేసీఆర్ ఓటేస్తున్న వీడియో వైరల్

దిశ, వెబ్‌డెస్క్: తెలంగాణ అసెంబ్లీ ఎన్నికల పోలింగ్ రాష్ట్ర వ్యాప్తంగా ప్రశాంతంగా కొనసాగుతుంది. ఇప్పటికే పలువురు ప్రముఖులు తమ ఓటు హక్కును వినియోగించుకున్నారు. ఇక, సీఎం కేసీఆర్ స్వగ్రామమైన సిద్ధిపేట జిల్లా చింతమడకలో తన ఓటు హక్కును వినియోగించుకున్నారు. ఓటరు స్లిప్పు, గుర్తింపు కార్డు తీసుకుని సీఎం ప్రజలకు అభివాదం చేసుకుంటూ పోలింగ్ బూత్‌కు వెళ్లారు. తన సతీమణి శోభతో కలిసి వెళ్లిన సీఎం అక్కడ పోలింగ్ కేంద్రంలో ఓటు వేశారు. అనంతరం ఓటర్లకు అభివాదం చేసుకుంటూ పోలింగ్ కేంద్రం నుంచి వెళ్లిపోయారు. సీఎం వెంట మంత్రి హరీష్ రావు ఉన్నారు. అయితే సీఎం కేసీఆర్ ఓటు వేస్తున్న వీడియో ప్రస్తుతం సోషల్ మీడియాలో వైరల్ అవుతోంది.