TS Elections : బోసిపోతోన్న బీజేపీ కార్యాలయం
దిశ, తెలంగాణ బ్యూరో : బీజేపీ రాష్ట్ర కార్యాలయం బోసిపోతోంది. నేతలెవరూ లేకపోవడంతో వెలవెలబోతోంది. ఈ ఎన్నికల్లో బీజేపీ చతికిలపడింది. వారు అంచనాలు వేసుకున్న స్థానాల్లోనూ ఏమాత్రం ప్రభావం చూపలేకపోయింది. ఉన్న సిట్టింగ్ స్థానాల్లో ఇప్పటికే దుబ్బాకను బీజేపీ కోల్పోయింది. హుజురాబాద్‌లోనూ బీఆర్ఎస్ లీడ్‌లో ఉంది. ఈటల రాజేందర్ వెనుకంజలో ఉన్నారు. కాగా ట్రిపుల్ ఆర్‌లో ఒక ఆర్ అయినా రాజాసింగ్ గోషామహల్ నుంచి మరోసారి గెలిచారు. హ్యాట్రిక్ విజయం సాధించారు.
గతంలో పోల్చుకుంటే బీజేపీకి ఈసారి ఓటు బ్యాంకుతో పాటు సీట్లు పెరిగే అవకాశాలున్నాయి. ఇదిలా ఉండగా సాధారణంగా ఇతర రాష్ట్రాల్లో కాషాయ పార్టీ గెలిచిన సందర్భాల్లో తెలంగాణ బీజేపీ కార్యాలయంలో సంబురాలు చేసే సంప్రదాయం ఉంది. అయితే తెలంగాణలో కాంగ్రెస్ గెలుపు వన్ సైడ్ అవుతున్న నేపథ్యంలో బీజేపీ కార్యాలయం మూగబోయింది. ఎన్నికల ఫలితాలను పరిశీలనలో ఉండిపోయారు.
