Telangana BJP : తెలంగాణకు కొత్త రైల్వేలైన్లు.. బీజేపీ ట్వీట్

దిశ, వెబ్ డెస్క్ : తెలంగాణలో త్వరలో కొత్త రైళ్లు కూత పెట్టనున్నాయంటూ తెలంగాణ బీజేపీ(Telangana BJP) తెలిపింది. ఈ మేరకు.. ఆదివారం ఎక్స్ (X) వేదికగా చేసిన పోస్ట్ లో.. 'ప్రగతి పట్టాలపై తెలంగాణ రైలు.. మోడీ(Modi) సారథ్యంలో కొత్తపుంతలు' అని పేర్కొంది. తెలంగాణలో 2024 -25 గాను రూ.5,071 కోట్లతో కేంద్ర ప్రభుత్వం కొత్త లైన్ల నిర్మాణం, విద్యుద్దీకరణ, డబ్లింగ్ పనులు చేపట్టినట్టు బీజేపీ పేర్కొంది. కాంగ్రెస్‌తో పోల్చితే ఎన్డీఏ(NDA) హయాంలో మెరుగైన అవకాశాలు కల్పించిందని.. పదేళ్లలో బడ్జెట్ కేటాయింపులు కూడా 20 శాతం పెరిగినట్టుగా వెల్లడించింది. 27 కొత్త స్టేషన్ల నిర్మాణంలో, 73 కొత్త రైళ్లు తెలంగాణకు రావడంలో కేంద్రం కృషి చేస్తోందని.. ప్రధాని నరేంద్ర మోడీ సారథ్యంలో తెలంగాణ రైల్వే రూపురేఖలు పూర్తిగా మారిపోతున్నాయని బీజేపీ చెప్పుకొచ్చింది. ఇప్పటికే పలుచోట్ల కొత్త రైల్వేస్టేషన్లు, కొత్త రైల్వే మార్గాలతో పాటు విద్యుద్దీకరణ, డబ్లింగ్ పనులు, రైల్వే స్టేషన్ల సుందరీకరణ పనులను కేంద్ర ప్రభుత్వం చేపట్టిన విషయం తెలిసిందే.