ఢిల్లీకి చేరుకున్న రేవంత్, ఉత్తమ్.. 30 మందితో కాంగ్రెస్ సెకండ్ లిస్ట్..?

దిశ, తెలంగాణ బ్యూరో: తెలంగాణ కాంగ్రెస్ పార్టీ రెండో జాబితా అభ్యర్థుల ఎంపిక ఈరోజు ఫైనల్ కానున్నది. దాదాపు 30 మందితో సెకండ్ లిస్ట్ రిలీజ్ చేసే ఛాన్స్ ఉన్నదని పార్టీ వర్గాలు వెల్లడించాయి. ఈ మేరకు ఢిల్లీలో సెంట్రల్ ఎలక్షన్ కమిటీ మీటింగ్ ఈరోజు జరగనున్నది. ఈ సమావేశానికి ఏఐసీసీ అగ్ర నేతలతో పాటు రాహుల్ గాంధీ కూడా పాల్గొననున్నారు. ఇప్పటికే టీపీసీసీ అధ్యక్షుడు రేవంత్ రెడ్డి, సెంట్రల్ ఎలక్షన్ కమిటీ మెంబర్, ఎంపీ ఉత్తమ్ కుమార్ రెడ్డి కూడా ఢిల్లీ చేరుకున్నారు. సెంట్రల్ ఎలక్షన్ కమిటీ మీటింగ్ అనంతరం ఈరోజు సాయంత్రం లేదా రేపు లిస్ట్ రిలీజ్ చేసే అవకాశం ఉన్నది. ఇక కాంగ్రెస్ పార్టీ రెండో విడత బస్సుయాత్రపై కూడా ఏఐసీసీలో ఈరోజు చర్చ జరగనున్నది. రూట్ మ్యాప్ చీఫ్ గెస్ట్లు, వంటి అంశాలతో పాటు షెడ్యూల్ ఖరారు కానున్నది.