డీజే సౌండ్‌పై RGV Tweet. పోలీసుల రిప్లై ఇదే!
దిశ, జూబ్లీహిల్స్ : పబ్ డీజేలతో మాత్రమే పోలీసులకు సమస్య వుంటుందా వేరే పార్టీల డీజేలపై ఎలాంటి ఆంక్షలు లేవా? అని రామ్ గోపాల్ వర్మ ట్వీట్ చేశారు. జూబ్లీ హిల్స్ రోడ్ నెం. 71లో వున్న జూబ్లీ హిల్స్ పబ్లిక్ స్కూల్లో ఆదివారం రాత్రి 11 గంటల ప్రాంతంలో స్కూల్ వార్షికోత్సవ వేడుకలను నిర్వహించారు. ఇందులో భాగంగా పిల్లలు డీజే సౌండ్స్‌తో డాన్స్‌లు చేస్తుండగా డైరెక్టర్ రామ్ గోపాల్ వర్మ వీడియో తీశారు. ఆ వీడియోని ట్విట్టర్ లో పోస్ట్ చేసి దాన్ని మంత్రి కేటీఆర్, హైదరాబాద్ సీపీ, హైదరాబాద్ పోలీస్ అకౌంట్‌కి జత చేశారు. డీజేల్లో ఐటెమ్ సాంగ్స్ పెట్టి విద్యార్థులతో డ్యాన్స్ చేయిస్తున్నారని చెవిని చీల్చే సౌండ్ లెవల్స్‌తో రాత్రి పూట జరుగుతున్న ఈ ప్రొగ్రాంతో మీకెలాంటి సమస్య లేదా అని ప్రశ్నించారు. కేవలం పబ్‌లతో మాత్రమే అధికారులకు సమస్య వుందా అని తన ట్విట్టర్ అకౌంట్‌లో పోస్ట్ చేశారు. వెంటనే స్పందించిన హైదరాబాద్ పోలీసులు, జూబ్లీహిల్స్ ఎస్‌హెచ్‌ఓ రాజశేఖర్ రెడ్డి అవసరం వుంటే చర్యలు తీసుకుంటామని తెలిపారు. ఈ అంశాన్ని తాము చూసుకుంటామని రీట్వీట్ చేశారు.
Also Read...
'డబ్బు కోసం ఏమైనా నాకుతావా'.. ఆర్జీవీకి బుద్ధా స్ట్రాంగ్ కౌంటర్
