మీడియా రంగంలోకి RGV.. ఛానల్ పెట్టినట్లు అధికారిక ప్రకటన (వీడియో)

దిశ, తెలంగాణ క్రైం బ్యూరో: సంచలనాలకు కేంద్రబిందువుగా నిలిచే దర్శక, నిర్మాత రాంగోపాల్ వర్మ మరో సెన్సేషన్ క్రియేట్ చేయనున్నారు. ‘నిజం’ పేరుతో ఛానల్ ప్రారంభించినట్టు ప్రకటించిన ఆర్జీవీ మొదటి ఎపిసోడ్ ఈ రోజు సాయంత్రం 4 గంటలకు ప్రసారం కానుందని తెలిపారు. దీంట్లో వైఎస్ వివేకానంద రెడ్డి హత్య కేసులో నిజంలోని అబద్దాలు.. ఆ అబద్దాల వెనక ఉన్న వ్యక్తుల గురించి చర్చించనున్నట్టు పేర్కొన్నారు. ‘నిజం’ ఛానల్ అబద్దాల బట్టలు ఊడతీసి నిజం నగ్న స్వరూపాన్ని బయట పెడుతుందని చెప్పారు.

అబద్దం బతికేది నిజాన్ని చంపటానికే అని వ్యాఖ్యానించారు. అయితే, నిజం చావదని.. చచ్చినట్టు నటిస్తుందన్నారు. అది చూసి అబద్దాలు చెప్పేవాళ్లు షాంపెన్ తాగి సంబరాలు చేసుకుంటారని చెప్పారు. లాజికల్ థింకింగ్, టెక్నాలజీ, మోటివ్ అంశాల ప్రాతిపదికన విశ్లేశించినపుడు నిజం బయట పడుతుందన్నారు. సైన్స్, ఆర్టిఫిషియల్ ఇంటలిజెన్స్, హిస్టరీ, సెక్స్, పోలీస్, క్రైం, న్యాయ వ్యవస్థ తదితర అంశాలపై నిజం చర్చిస్తుందన్నారు. దీంట్లో నిపుణులు, వేర్వేరు రంగాలకు చెందినవారు పాల్గొంటారని చెప్పారు. కొందరిని ఇంటర్వ్యూ చేస్తే మరికొందరిని ఇంటరాగేట్ చేస్తానని ప్రకటించారు.

వివేకా హత్య వెనక నిజం లో అబద్దముందా ?ఎపిసోడ్ రిలీజ్ సాయంత్రం 4 గంటలకు. pic.twitter.com/vHArz90XFA

— Ram Gopal Varma (@RGVzoomin) April 25, 2023