కవిత అరెస్ట్ కరెక్టే కానీ..! కేజ్రీవాల్ అరెస్ట్‌పై రిటైర్డ్ ఐఏఎస్ ఆకునూరి మురళి సంచలన ట్వీట్
దిశ, డైనమిక్ బ్యూరో: దేశంలో సంచలనం సృష్టిస్తున్న లిక్కర్ స్కామ్‌లో ఢిల్లీ సీఎం కేజ్రీవాల్ అరెస్ట్‌పై రిటైర్డ్ ఐఏఎస్ ఆకునూరి మురళి స్పందించారు. ఈ మేరకు ట్విట్టర్ వేదికగా తెలిపారు. ‘ఎంత అప్రజాస్వామ్యం! బీజేపీ ప్రభుత్వ దౌర్జన్యం! సంవత్సరం నుంచి జరుగుతున్న కేసులో కొత్తగా ఏం దొరికిందో మోడీ ప్రభుత్వ సంస్థ ఈడీకి? ఎన్నికలకు ముందు కవిత అరెస్ట్, కేజ్రీవాల్ అరెస్ట్!! కవిత అరెస్ట్ కరెక్టే కానీ ఇన్ని రోజులు లేట్ ఎందుకు అయ్యిందో? ఏం బేరసారాలు చేసిన్రో కేసీఆర్‌తో? సుప్రీంకోర్టు బీజేపీ ప్రభుత్వ ఎన్నికల బాండ్ల వినాశకర విధానమును బయటపెట్టింది.క్విడ్ ప్రో కో ( నీకిది నాకది - ఒక అవినీతి సూత్రం ) ద్వారా బీజేపీ పెద్ద ఎత్తున అక్రమ పద్ధతిలో లబ్ది పొందిన న్యూస్ హెడ్‌లైన్స్ మరుగున పడటానికి, కేజ్రీవాల్ ఎన్నికల ప్రచారాన్ని ఆపడానికి బీజేపీ వేసే ఎత్తుగడలు ఈ అరెస్టులు’ అని పేర్కొన్నారు.
