ఇందిరమ్మ ఇల్లు ఇచ్చిన కాంగ్రెస్ పార్టీ ని గెలిపించండి : మనోహర్ రెడ్డి

దిశ, పెద్దేముల్ : కాంగ్రెస్ పార్టీని గెలిపించి ఇందిరమ్మ రాజ్యాన్ని తీసుకురావాలని, కాంగ్రెస్ పార్టీ ఎమ్మెల్యే అభ్యర్థి బుయ్యనీ మనోహర్ రెడ్డి అన్నారు. ఎమ్మెల్యే ఎన్నికల్లో భాగంగా పెద్దేముల్ మండలంలోని ఇందూర్, కందనెల్లి తండా, బుద్ధారం గ్రామాలలో ఎన్నికల ప్రచారాన్ని నిర్వహించారు. ఈ సందర్భంగా మనోహర్ రెడ్డి మాట్లాడుతూ గ్రామాలను చూస్తుంటే తాను చేసిన అభివృద్ధి ఏంటో తెలుస్తుందని అన్నారు. గ్రామాలను గాలికి వదిలి తాను మాత్రం పెద్ద బంగ్లా కట్టుకోని రాజభోగం అనుభవిస్తున్నారని అన్నారు. రోహిత్ రెడ్డి ని గెలిపిస్తే రౌడీ రాజ్యం వస్తుందని కాంగ్రెస్ ని గెలిపిస్తే ఇందిరమ్మ రాజ్యం వస్తుందని అన్నారు. గ్రామాలలో ఎవరిని కలిసిన ఇందిరమ్మ ఇచ్చిన ఇండ్లు ఉన్నాయి తప్ప కేసిఆర్ ఇస్తానన్న డబల్ బెడ్ రూమ్ ఎక్కడ లేవని అన్నారు. రోహిత్ రెడ్డి ఎమ్మెల్యే అయ్యాక చేసిన అభివృద్ధి ఎం లేదని ప్రజలు ఈసారి తాండూరు రోహిత్ రెడ్డి కి, కేసీఆర్ కి తగ్గిన బుద్ధి చెప్పి ఫామ్ హౌస్ కి పరిమితం చేస్తారని అన్నారు.

ఈ కార్యక్రమంలో టీపీసీసీ స్పోక్ పర్సన్ కల్వా సుజాత, టీపీసీసీ ప్రధాన కార్యదర్శి, పెద్దేముల్ జడ్పిటిసి దారా సింగ్, టీపీసీసీ రాష్ట్ర ఉపాధ్యక్షులు రమేష్ మహారాజ్, మాజి డీసీసీబీ చైర్మన్ లక్ష్మారెడ్డి, టీపీసీసీ మైనారిటీ రాష్ట్ర కన్వీనర్ రియాజ్, జిల్లా మహిళా కాంగ్రెస్ అధ్యక్షురాలు శోభారాణి, పెద్దేముల్ సొసైటీ డైరెక్టర్ సాయిని నారాయణరెడ్డి, కాంగ్రెస్ పార్టీ మండల అధ్యక్షుడు గోపాల్, పెద్దేముల్ మండల వైస్ ఎంపీపీ మధులత, జిల్లా కాంగ్రెస్ నాయకులు ఎల్లారెడ్డి, తాండూర్ కాంగ్రెస్ పార్టీ ఏ బ్లాక్ అధ్యక్షుడు లొంక నర్సింలు, కార్యదర్శి మినజ్, మండల బీసీ సెల్ అధ్యక్షుడు వెంకటయ్య, సీనియర్ కాంగ్రెస్ నాయకులు జితేందర్ రెడ్డి, నరేందర్ సెట్, రాంరెడ్డి, బందప్ప ముదిరాజ్, చంద్ర శేఖర్, పడగల రవి, కాంగ్రెస్ నాయకులు, కార్యకర్తలు పాల్గొన్నారు.