Shri Ramulu Andela : అమ్మవారి ఆలయాలలో మహా శాంతి హారతులు ఇవ్వండి
దిశ, బడంగ్ పేట్ : బడంగ్ పేట్ మున్సిపల్ కార్పొరేషన్ 9వ డివిజన్ లోని సాయిరాం నగర్ కాలనీ ఫేస్ 1 లో కాలనీ అధ్యక్షులు రాకేష్ అనిల్ కుమార్ ఆధ్వర్యంలో బుధవారం ఘనంగా ముత్యాలమ్మ అమ్మవారి శావా ఊరేగింపు కార్యక్రమం ఘనంగా జరిగింది. ఈ కార్యక్రమానికి రాష్ట్ర కార్యవర్గ సభ్యులు మహేశ్వరం నియోజకవర్గం ఇంచార్జ్ అందెల శ్రీరాములు యాదవ్ ముఖ్య అతిథిగా పాల్గొని, ప్రత్యేక పూజలు నిర్వహించారు. ఈ సందర్భంగా అందెల శ్రీరాములు మాట్లాడుతూ… ఇటీవల సికింద్రాబాద్ లో ముత్యాలమ్మ అమ్మవారి విగ్రహాన్ని ధ్వంసం చేసిన సంఘటన యావత్ హిందూ సమాజాన్ని కలిచివేసిందని, ఇలాంటి సంఘటనలు వరుసగా జరుగుతున్న కాంగ్రెస్ ప్రభుత్వం మాత్రం కేవలం ఒక వర్గానికి కొమ్ము కాస్తుందని ఆగ్రహం వ్యక్తం చేశారు.
ఈరోజు ఆలయాలలోకి చొర బడుతున్నారు.... రేపు మన ఇంట్లోకి కూడా చొరబడే అవకాశం ఉందన్నారు. హిందువులంతా సంఘటితం కావలసిన సమయం ఆసన్నమైందని, అమ్మవారికి శాంతి జరిగేలా ఈ శుక్రవారం మహేశ్వరం నియోజకవర్గ వ్యాప్తంగా ఉన్నటువంటి అన్ని అమ్మవారి ఆలయాలలో ఆడపడుచులు, అన్నదమ్ములు, హిందూ బంధువులు అందరూ కలిసి మహా శాంతి హారతి నిర్వహించాలదని ఈ సందర్భంగా పిలుపునిచ్చారు. ఈ కార్యక్రమంలో స్థానిక కార్పొరేటర్ నిమ్మల సునీత శ్రీకాంత్ గౌడ్ , ప్రధాన పూజారి నరసింహ,తదితరులు పాల్గొన్నారు.
