Short circuit : షార్ట్ సర్క్యూట్ తో సొప్ప లారీలో మంటలు…అదుపు చేస్తున్న అగ్నిమాపక సిబ్బంది

దిశ,ఆమనగల్లు :: షార్ట్ సర్క్యూట్ కారణంగా సోప్ప లారీలో మంటలు చెలరేగాయి. గ్రామస్తులు తెలిపిన వివరాల ప్రకారం... ఆమనగల్లు మండలం శంకర్ కొండ తండా నుంచి మేడిగడ్డ మీదుగా ఆమనగల్లుకు బయలుదేరిన సోప్ప లారీ షార్ట్ సర్క్యూట్ కారణంగా మంటలు చెలరేగాయి. మేడిగడ్డ తండా మాజీ సర్పంచ్ గోపి నాయక్ సొంత అవసరాల కోసం తీసుకెళ్తున్న సోప్ప లోడ్ మేడిగడ్డ తండా వద్ద విద్యుత్ వైర్లు తగిలి షార్ట్ సర్క్యూట్తో పూర్తిగా సోప్ప దగ్ధమైంది. గ్రామస్తుల ద్వారా విషయం తెలుసుకున్న ఆమనగల్లు పోలీసులు సంఘటన స్థలానికి చేరుకొని, కల్వకుర్తి అగ్నిమాపక సిబ్బందికి సమాచారం అందించారు. అగ్నిమాపక సిబ్బంది ఎస్సై చంద్రశేఖర్ సిబ్బందితో సంఘటన స్థలానికి చేరుకొని మంటలను అదుపు చేస్తున్నారు. అనునిత్యం అప్రమత్తంగా ఉండాలని అగ్నిమాపక సిబ్బంది సమాచారం అందుకున్న వెంటనే పూర్తి వాటర్ ట్యాంక్ తో రావాల్సింది పోయి, సగం వాటర్ ట్యాంకుతో సంఘటన స్థలానికి చేరుకున్నారు. అందులోని నీరు అయిపోవడంతో పూర్తిగా మంటలను అదుపులోకి తేలేకపోయారు. దీంతో తండాలోని ట్రాక్టర్ల ద్వారా నీటిని సరఫరా చేసి మంటలను అదుపులోకి తెచ్చేందుకు ప్రయత్నిస్తున్నారు. ప్రమాదవశాత్తు సంఘటన ద్వారా మాజీ ఉపసర్పంచ్ గోపి నాయక్ రూ. 27వేల సోప్ప నష్టం జరిగినట్లు, లారీ సైతం మంటలకు నష్టపోయినట్లు గ్రామస్తులు తెలిపారు.