డబ్బులు అడిగారని ట్రాన్స్​జెండర్లతో నృత్యాలు…పెళ్లి కుమారుడు తండ్రిపై కేసు

దిశ, బడంగ్ పేట్​ : ఎంగేజ్మెంట్​ సమయంలో డబ్బులు డిమాండ్​ చేయడానికి వచ్చిన ట్రాన్స్​జెండర్లతో డ్యాన్సులు చేయించిన పెళ్ళి కొడుకు తండ్రిపై బాలాపూర్​ పోలీసులు కేసులు నమోదు చేశారు. బాలాపూర్​ ఇన్​స్పెక్టర్​ ఎం.సుధాకర్​ తెలిపిన వివరాల ప్రకారం ... బాలాపూర్​ ఆలీనగర్​కు చెందిన ఆమీర్​ కుమారుడిది ఆదివారం రాత్రి ఎంగేజ్మెంట్ ​చేసుకుంటుండగా ఒక్కసారిగా ట్రాన్స్​జెండర్లు ఊడిపడ్డారు.పెళ్ళింటివారిని పెద్ద మొత్తంలో డబ్బులు డిమాండ్​ చేశారు. దీంతో డ్యాన్సులు చేస్తే డబ్బులు ఇస్తామని పెళ్లి కొడుకు తండ్రి ఆమీర్​ చెప్పాడు. దానికి అంగీకరించిన ట్రాన్స్​జెండర్లు డబ్బుల కోసం అసభ్యకరంగా నృత్యాలు చేశారు. ఈ వీడియోలు కాస్త సోషల్​ మీడియాలో వైరల్​ కావడంతో స్వయంగా బాలాపూర్​ ఇన్​స్పెక్టర్​ సుధాకర్​ ఫిర్యాదు చేశారు. దీంతో పెళ్లి కుమారుడు తండ్రి అమీర్​పై బాలాపూర్​ పోలీసులు కేసులు నమోదు చేసుకుని దర్యాప్తు చేస్తున్నారు.