ఆదిబట్ల పోలీస్ స్టేషన్ లో బాలుడు మిస్సింగ్ కేసు నమోదు

దిశ, ఇబ్రహీంపట్నం : ఆదిబట్ల పోలీస్ స్టేషన్ పరిధిలోని మల్లాపూర్ గ్రామం బాలాజీ నగర్ కాలనీకి చెందిన మూడవత్ శంకర్ కుమారుడు మూడవత్ సందీప్ (16) అదిబట్లలోని శ్రీ చైతన్య రెసిడెన్షియల్ స్కూల్ లో పదవ తరగతి చదువుతున్నాడు. దీపావళి సెలవులకి ఇంటికి వెళ్లి తిరిగి ఆదివారం రోజున ఇంటి నుంచి స్కూల్ వెళ్తున్నా అని బయలుదేరాడు. అదే రోజు రాత్రి 9 గంటలకు స్కూల్ కి చేరాను అని ఇంటికి ఫోన్ చేసి చెప్పాడు. కానీ మరుసటి రోజే స్కూలు యాజమాన్యం మీ అబ్బాయి సందీప్ ను ఇంకా స్కూల్ కి పంపించలేదని అడగడంతో మూడవత్ శంకర్ స్కూల్ కి వచ్చి కనుగొన్నారు. స్కూల్ బయటినుండి స్కూల్ లో పని చేసే క్యాంటీన్ అంకుల్ ఫోన్ నుండి కాల్ చేశాడని, ఎక్కడికి వెళ్ళాడో తెలియరాలేదని తెలిపారు. బాలుడు తండ్రి ఫిర్యాదుతో ఆదిబట్ల పోలీసులు మిస్సింగ్ కేసు నమోదుచేసి దర్యాప్తు చేస్తున్నారు.