తెలంగాణ జాతిపిత సీఎం కేసీఆర్ : మార్కెట్ కమిటీ డైరెక్టర్ శ్రీకాంత్ గౌడ్

దిశ, శంషాబాద్ : తెలంగాణ జాతిపిత ముఖ్యమంత్రి కేసీఆర్ అని నార్సింగి మార్కెట్ కమిటీ డైరెక్టర్, బీఆర్ఎస్ పార్టీ మండలం ఉపాధ్యక్షులు ఆనేగౌని శ్రీకాంత్ గౌడ్ అన్నారు. రంగారెడ్డి జిల్లా శంషాబాద్ మండలం పెద్దగోల్కొండ గ్రామంలో ముఖ్యమంత్రి కల్వకుంట్ల చంద్రశేఖర రావు 69వ జన్మదిన వేడుకల సందర్భంగా శుక్రవారం పెద్ద గోల్కొండలోని పాఠశాలలో విద్యార్థులకు బీఆర్ఎస్ పార్టీ మండలం ఉపాధ్యక్షులు ఆనేగౌని శ్రీకాంత్ గౌడ్, నార్సింగి మార్కెట్ కమిటీ డైరెక్టర్ వృద్ధులకు పండ్లు, బిస్కెట్లు పంపిణీ చేశారు.

ఈ సందర్భంగా వారు మాట్లాడుతూ తెలంగాణ రాష్ట్ర సాధనలో ప్రాణాలను సైతం ఫణంగా పెట్టి రాష్ట్రాన్ని సాధించిన మహానుభావుడు తెలంగాణ జాతిపిత మన ముఖ్యమంత్రి కేసీఆర్ అన్నారు. పేద ప్రజల కొరకు దేశంలో ఎక్కడా లేనివిధంగా అనేక సంక్షేమ పథకాలు ప్రవేశపెట్టి దేశానికి ఆదర్శంగా నిలిచారన్నారు. ఈ కార్యక్రమంలో నాయకులు శ్రీధర్ గౌడ్, పాండురంగారెడ్డి, బిక్షపతిసాయి, శ్రీనివాస్, రాఘవేందర్, నీరటి రవి, దేవేందర్, సంతోష్, రాజేందర్ తదితరులు పాల్గొన్నారు.