మహేశ్వరంలో 55.33 శాతం పోలింగ్

దిశ, మహేశ్వరం : మహేశ్వరం అసెంబ్లీ నియోజకవర్గం (50)లో ఓటు వేయడానికి ఓటర్లు పెద్దగా ఆసక్తి చూపలేదు. నియోజకవర్గం వ్యాప్తంగా ఉదయం 7 గంటలకు ఓటింగ్ ప్రక్రియ మొదలైనప్పటి మందకొడిగా సాగింది. మహేశ్వరం మండలం అమీర్ పేట్, మహేశ్వరం గ్రామాలలో ఈవీఎంలు మోరాయుంచడంతో పదిహేను నిమిషాల పాటు ఓటర్లు ఇబ్బంది పడ్డారు.

నియోజకవర్గం వ్యాప్తంగా ఉదయం 9 గంటలకు 5 శాతం, 11 గంటలకు 12.83 శాతం, మధ్యాహ్నం 1 గంటలకు 33.13 శాతం, 3 గంటలకు 39.14 శాతం, సాయంత్రం 5 గంటలకు 53.14శాతం, పోలింగ్ ముగిసే సమయానికి మొత్తం 55.33 శాతం పోలింగ్ నమోదు అయ్యిందాన్ని రిటర్నింగ్ అధికారి సూరజ్ కుమార్ తెలిపారు. గ్రామీణ ప్రాంతంలో ఓటర్లు ఓటు వేయడానికి ఆసక్తి చూపిన, పట్టణ ప్రాంత ఓటర్లు పెద్దగా ఆసక్తి చూపలేదు. ఎన్నికలు ప్రశాంతంగా జరిగాయి.