బైక్‌ను ఢీకొన్న డీసీఎం..వ్యక్తి మృతి

దిశ, మేడ్చల్ టౌన్: మండల పరిధిలోని రావల్ కోల్ గ్రామానికి చెందిన నాగరాజు (34) రాజబొల్లారం గ్రామంలోని మోనార్క్ కంపెనీలో పనిచేస్తున్నాడు.కాగా గురువారం బైక్ పై కంపెనీకి వెళ్తుండగా ఉదయం 6 గంటల ప్రాంతంలో పూడూరు చౌరస్తా పెట్రోల్ బంక్ వద్దకు రాగానే ఎదురుగా వస్తున్న డీసీఎం వాహనాన్ని ఢీ కొట్టడంతో అక్కడికక్కడే మృతి చెందాడు.కాగా మృతుడికే సంవత్సరం కిందటే వివాహం జరగడంతో భార్య గర్భవతిగా ఉంది. సంఘటన స్థలానికి మేడ్చల్ పోలీసులు చేరుకుని మృతదేహాన్ని పోస్టుమార్టం నిమిత్తం ఆస్పత్రికి తరలించారు ఈ మేరకు కేసు నమోదు చేసి దర్యాప్తు చేపట్టినట్లు పోలీసులు తెలిపారు.