TS: ఎస్ఐ, కానిస్టేబుట్ అభ్యర్థులకు అలర్ట్.. ఇవాళ్టి నుంచే..!!

దిశ, తెలంగాణ బ్యూరో: రాష్ట్రంలో ఎస్ఐ, కానిస్టేబుల్‌ పోస్టుల భర్తీ ప్రక్రియలో భాగంగా అభ్యర్థులకు డిసెంబర్‌ 8 నుంచి ఫిజికల్ టెస్టులు నిర్వహించనున్నట్లు ప్రకటించిన విషయం తెలిసిందే. పోలీసు శాఖలో వివిధ విభాగాల్లో ఎస్ఐ, కానిస్టేబుల్‌ కలిపి 17,291 పోస్టులకు నోటిఫికేషన్‌ జారీ చేయగా, 2,37,862 మంది అభ్యర్థులు పోటీ పడుతున్నారు. ఈ పోటీకు సంబంధించి ఫీజికల్ ఈవెంట్ల అడ్మిట్ కార్డులు నవంబర్‌ 29 (నేడు) ఉదయం 8 గంటల నుంచి డిసెంబర్‌ 3 అర్ధరాత్రి వరకే డౌన్‌లోడ్ చేసుకోవాలని బోర్డు ఇదివరకే ప్రకటించింది. అభ్యర్థులు తమ యూజర్ ఐడీ, పాస్‌వర్డ్‌ను ఉపయోగించి www.tslprb.in వెబ్‌సైట్‌ ద్వారా డౌన్‌లోడ్ చేసుకోవచ్చు. ఈ డౌన్‌లోడ్ ప్రక్రియలో అవాంతరాలు ఎదురైతే [email protected]కు మెయిల్‌ ద్వారా లేదా 9393711110, 93910 05006 సంప్రదించాలని బోర్డు సూచించింది. పోలీస్‌ ఈవెంట్స్‌ కోసం రాష్ట్రవ్యాప్తంగా 11 కేంద్రాలను సిద్ధం చేశారు. భవిష్యత్తులో మరో కేంద్రాన్ని పెంచనున్నారు. పోలీస్ ఈవెంట్లకు డిసెంబర్‌ 1వ తేదిలోపు గ్రౌండ్‌లో పరికరాలు, పూర్తీ ఏర్పాట్లు సిద్ధం చేసే పనిలో బోర్డు ఉంది.

ఇవి కూడా చదవండి : ఇచ్చిన నోటిఫికేషన్‌కు బ్రేక్.. మళ్లీ దాని ఊసెత్తని టీఎస్​పీఎస్సీ!!