Mahesh Kumar Goud : కొత్త సీఎం ప్రచారంపై పీసీసీ చీఫ్ మహేశ్ కుమార్ గౌడ్ ఫైర్
దిశ, వెబ్ డెస్క్ : రాష్ట్రాని(telangana)కి కొత్త ముఖ్యమంత్రి(new CM's) రాబోతున్నారన్న బీజేఎల్పీ నేత ఏలెటి మహేశ్వర్ రెడ్డి(Eleti Maheshwar Reddy) చేసిన వ్యాఖ్యలపై పీసీసీ చీఫ్ బి.మహేష్ కుమార్ గౌడ్(Mahesh Kumar Goud) మండిపడ్డారు. సీఎం ఉండగా మళ్లీ కొత్త సీఎం వస్తారని వేరే పార్టీ వారు చేసే వ్యాఖ్యలకు ప్రచారానికి ఏం సమాధానం చెబుతామని కొట్టిపారేశారు. సీనియర్ మంత్రులతో కూడిన సీఎం రేవంత్ రెడ్డి ప్రభుత్వ స్వేచ్ఛగా సజావుగా పనిచేస్తుందన్నారు. మహేశ్వర్ రెడ్డికి సీఎల్పీ నాయకుడిగా దక్కుతున్న గౌరవం ఏ పాటిదో ఒకసారి ఆలోచించుకోవాలని హితవు పలికారు.
బీజేపీ కార్యాలయంలో ఏలేటికి కూర్చి కూడా లేదని, బీజేపీ అధ్యక్షుడు కిషన్ రెడ్డికి ఆయనకు పడటం లేదని మాకు కూడా సమాచారం ఉందన్నారు. మా పార్టీ గురించి వేరేవాళ్లు కామెంట్ చేస్తే ఊరుకోబోమన్నారు. మా పార్టీలో ఉన్న ప్రజాస్వామిక స్వేచ్ఛ ఏ పార్టీలోనూ లేదన్నారు. ప్రజలు బీఆర్ఎస్ కేసీఆర్ ప్రభుత్వం బాగా లేదని చెప్పి తమను గెలిపించారని, ఉప ఎన్నికల్లోనూ మమ్మల్ని గెలిపించారన్నారు.
