Hyderabad Metro : నాగోల్ మెట్రో స్టేషన్‌లో పెయిడ్ పార్కింగ్

దిశ, డైనమిక్ బ్యూరో: నాగోల్ మెట్రో స్టేషన్‌లో అధికారులు పెయిడ్ పార్కింగ్ ఏర్పాటు చేశారు. ఈ మెట్రో స్టేషన్ పార్కింగ్ స్థలంలో నిన్నటి వరకు ఉన్న ఫ్రీ పార్కింగ్ ఎత్తివేసి, మెట్రో అధికారులు తాజాగా ధరలను నిర్ణయించారు. బైక్‌కు మినిమం 2 గంటల వరకు పార్క్ చేస్తే రూ.10, 8 గంటల వరకు రూ.25 రూపాయలు వసూలు చేయనున్నారు. 12 గంటల వరకు రూ.40 రూపాయల ఫీజు కట్టాలని సూచించారు.

అలాగే కార్లకు మినిమం 2 గంటల వరకు పార్క్ చేస్తే రూ.30, 8 గంటల వరకు రూ.75, 12 గంటల వరకు రూ.120 చొప్పున ధరలు నిర్ణయించారు. కాగా, నాగోల్ మెట్రో స్టేషన్ పార్కింగ్ .. మియాపూర్ తరహాలోనే నాగోల్ మెట్రో స్టేషన్‌లో ఫ్రీతో పాటు పెయిడ్ పార్కింగ్ రెండు అందుబాటులో ఉంటాయని అధికారులు చెబుతున్నారు.