భారీ వర్షంతో.. నేలరాలిన వరి ధాన్యం

దిశ, కామారెడ్డి రూరల్: కామారెడ్డి జిల్లాలో మంగళవారం సాయంత్రం భారీ వర్షం కురిసింది. ఈ వర్షానికి చేతికొచ్చిన పంటలు దెబ్బతిన్నాయి. దీంతో వరి ధాన్యం నేల రాలిపోయింది. జిల్లాలోని లింగంపేట మండలంలో అత్యధికంగా 55.5 మిల్లీ మీటర్ల వర్షపాతం నమోదు కాగా.. అత్యల్పంగా మద్నూరు మండలంలో 1.0 మిల్లీమీటర్ల వర్షం కురిసినట్లు అధికారులు తెలిపారు.

కామారెడ్డి మండలంలోని కొట్టాలపల్లి గ్రామంలో కురిసిన రాళ్ల వర్షానికి వరి పంట పూర్తిగా దెబ్బతింది. అంతేకాకుండా పలు మండలాల్లోని వరి పంటలు కూడా రాళ్ల వర్షానికి దెబ్బతిన్నాయి. వరి ధాన్యం నేల రాలిపోయి ఆర్థికంగా నష్టపోయిన రైతన్నను ప్రభుత్వం అన్ని విధాల ఆదుకోవాలని రైతుల కోరుతున్నారు.