అన్ని రంగాల్లోనూ మోడీ ప్రభుత్వం వైఫల్యం చెందింది : డీసీసీ అధ్యక్షుడు కైలాస్ శ్రీనివాసరావు

దిశ, కామారెడ్డి రూరల్ : బీజేపీ మోడీ ప్రభుత్వం అన్ని రంగాల్లోనూ వైఫల్యం చెందిందని జిల్లా కాంగ్రెస్ పార్టీ అధ్యక్షుడు కైలాస్ శ్రీనివాసరావు ఆరోపించారు. బుధవారం ఆయన పత్రికలకు విడుదల చేసిన ఓ ప్రకటనలో ఆరోపించారు. ప్రధాని మోదీ నల్లధనాన్ని భారత్‌కు రప్పిస్తానని, ప్రతి పౌరుని బ్యాంకు ఖాతాకు 15-20 లక్షలు జమ చేస్తామనీ చెప్పారని, వాస్తవం దీనికి విరుద్ధంగా ఉందన్నారు. నల్లధనం పై ప్రధాని హామీ ఏమైందనీ ప్రశ్నించారు. మోడీ తన రాజకీయ లేదా సైద్ధాంతిక ప్రత్యర్థులను భయపెట్టడానికి, తన ఆర్థిక ప్రయోజనాలకు అనుగుణంగా లేని వ్యాపార సంస్థలను శిక్షించడానికి ఈడీ, సీబీఐ, డైరెక్టరేట్ ఆఫ్ రెవెన్యూ ఇంటెలిజెన్స్ వంటి ఏజెన్సీలను దుర్వినియోగం చేశారన్నారు.

1992లో హర్షద్ మెహతా కేసును పరిశీలించేందుకు జేపీసీని ఏర్పాటు చేయగా, 2001లో కేతన్ పరేఖ్ కేసును జేపీసీ విచారించిందన్నారు. కోట్లాది మంది భారతీయ పెట్టుబడిదారులను ప్రభావితం చేసిన కుంభకోణాలపై దర్యాప్తు చేసేందుకు ఎన్నుకోబడిన ప్రతినిధులపై అప్పటి ప్రధానులు పీవీ నరసింహారావు, అటల్ బిహారీ వాజ్‌పేయి విశ్వాసం కలిగి ఉన్నారనీ గుర్తు చేశారు. కానీ ప్రధాని మోదీకి దీనిపై భయమేంటి..? ఆయన ఆధ్వర్యంలో నిష్పక్షపాతంగా విచారణ జరుగుతుందన్న నమ్మకం లేదా అని ప్రశ్నించారు. ఈ ఆరోపణలను ప్రశ్నించిన తర్వాత స్టాక్ ధరల పతనం, కృత్రిమంగా పెంచిన ధరల వల్ల మోసపోయిన తర్వాత అదానీ గ్రూప్ స్టాక్‌లలో పెట్టుబడి పెట్టిన లక్షల మంది రిటైల్ ఇన్వెస్టర్లు ఆర్థికంగా దెబ్బతిన్నారన్నారు.

ఎల్ఐసీ కలిగి ఉన్న అదానీ గ్రూప్ స్టాక్‌ల విలువ 30 డిసెంబర్ 2022న రూ.83,000 కోట్ల నుండి 15 ఫిబ్రవరి 2023 నాటికి రూ.39,000 కోట్లకు పడిపోయిందనీ, 30 కోట్ల ఎల్ఐసీ పాలసీదారుల ఈక్విటీ హోల్డింగ్‌లలో రూ.44,000 కోట్ల క్షీణత ఏర్పడిందన్నారు. షేర్ల ధరలు పతనం అయి గ్రూప్ చేసిన తప్పుల గురించి తీవ్రమైన ఆరోపణలు ఉన్నప్పటికీ, మోడీ ప్రభుత్వం 30 జనవరి 2023న అదానీ ఎంటర్‌ప్రైజెస్ ఫాలో-ఆన్ పబ్లిక్ ఆఫర్‌లో అదనంగా రూ.300 కోట్ల పెట్టుబడి పెట్టాలని ఎల్ఐసీని ఒత్తిడి చేసిందనీ ఆరోపించారు. మోంటెరోసా గ్రూప్ అదానీ గ్రూప్ స్టాక్‌లో $4.5 బిలియన్లు (రూ37,000 కోట్లు) కలిగి ఉందనీ, ఈ సంస్థ సీఈఓ పరారీలో ఉన్న వజ్రాల వ్యాపారితో సంబంధం కలిగి ఉన్నాడన్నారు.

అతని కుమారుడు వినోద్ అదానీ కుమార్తెను వివాహం చేసుకున్నాడన్నారు. ఎలారా క్యాపిటల్, దీనిలో మాజీ యూకే ప్రధాన మంత్రి బోరిస్ జాన్సన్ సోదరుడు, మాజీ కన్జర్వేటివ్ మంత్రి జో జాన్సన్ ఇటీవల వరకు డైరెక్టర్‌గా ఉన్నారనీ, దాదాపుగా అదానీ గ్రూప్‌లో సుమారు $3 బిలియన్ల (రూ24,300 కోట్లు) విలువైన స్టాక్‌ను కలిగి ఉన్నారన్నారు. 2016లో నిర్దిష్ట మోంటెరోసా గ్రూప్ ఫండ్స్ ఖాతాలను సెబీ స్తంభింపజేసిందని ఆర్థిక మంత్రిత్వ శాఖ పార్లమెంటుకు తెలిపిందనీ, అయితే తదుపరి చర్యలు స్పష్టంగా లేవన్నారు. 2001 నాటి కేతన్ పరేఖ్ స్కామ్‌లో, "అదానీ గ్రూప్ ప్రమోటర్లు మార్కెట్‌ను తారుమారు చేయడంలో కేపీ ఎంటీటీలకు సహాయం చేయడంతో పాటు మద్దతునిచ్చారని ఎస్ఈబీఐ కనుగొందన్నారు. ఇది అదానీ గ్రూప్‌పై ప్రస్తుత ఆరోపణలతో కలతపెట్టే పోలికను కలిగి ఉందనీ పేర్కొన్నారు. ఎన్ఎస్ఈ నిఫ్టీ 50 ఇండెక్స్‌లో అదానీ ఎంటర్‌ప్రైజెస్‌ను వివాదాస్పదంగా చేర్చడం వల్ల ఈ రిస్క్ స్టాక్‌ను గణనీయమైన కొనుగోళ్లు చేయడానికి భారతదేశపు అతిపెద్ద పెన్షన్ ఫండ్ బాడీ ఈపీఎఫ్ఓ ​​(ఉద్యోగుల ప్రావిడెంట్ ఫండ్ ఆర్గనైజేషన్)తో సహా నిఫ్టీ ఇండెక్స్ ఫండ్‌లను బలవంతం చేసిందన్నారు.

ముంబై విమానాశ్రయాన్ని అదానీ గ్రూప్ స్వాధీనం చేసుకోవడం క్రోనీ క్యాపిటలిజంలో ఒక కేస్ స్టడీ అని, 2019లో ముంబై ఎయిర్‌పోర్ట్‌లో వాటాను కొనుగోలు చేసేందుకు అదానీ గ్రూప్ చేసిన ప్రయత్నాలను జీవీకే గ్రూప్ తీవ్రంగా వ్యతిరేకించిందనీ, కోర్టులకు వెళ్లి తన జాయింట్ వెంచర్ భాగస్వాములైన బిడ్వెస్ట్, ఎసీఎస్ఏ లను కొనుగోలు చేయడానికి నిధులు సేకరించిందన్నారు. అయినప్పటికీ ఆగస్ట్ 2020లో, కేవలం ఒక నెల మాత్రమే సీబీఐ, ఈడీ దాడుల తరువాత, జీవీకే తన అత్యంత విలువైన ఆస్తిని అదానీ గ్రూప్‌కు విక్రయించవలసి వచ్చిందన్నారు. జీవీకేపై సీబీఐ, ఈడీ విచారణలు ఏమయ్యాయనీ ప్రశ్నించారు. మోడీ ప్రభుత్వం గత తొమ్మిదేళ్లుగా సీఏజీ, సీబీఐ మొదలైన అన్ని ప్రభుత్వ ఏజెన్సీలను, సంస్థలను నియంత్రిస్తూ ఉండవచ్చు, కానీ నిజం ఎల్లప్పుడూ బయటకు వస్తుందనీ, ఈడీ, సీబీఐ ని ఉపయోగించి దానిని అణచివేయలేమన్నారు.

వేచి చూడాలని, ఇది ప్రారంభం మాత్రమేనని, మరిన్ని అస్తి పంజరాలు బీజేపీ గది నుండి బయటకు వస్తాయన్నారు. కేంద్ర ప్రభుత్వ వైఫ్యల్యాలపై చర్చ జరగకుండా బీజేపీ ప్రజల దృష్టిని మరలిస్తుందని ఆరోపించారు. మోడీ తన స్నేహితులకు దేశ ఖజానా దోచిపెడుతున్నారన్నారు. మోడీ, అదానీ కుంభకోణం గురించి ప్రధాన ప్రతిపక్షం గా ప్రజల ముందు ఉంచామన్నారు. రాహుల్ గాంధీ, మల్లికార్జున ఖర్గే లు పార్లమెంట్ లో మాట్లాడిన అంశాలను చర్చ జరగకుండా ప్రభుత్వం అడ్డుకుంటుందన్నారు. దేశ ఆస్తుల పై కొంతమందే గుత్తాధిపత్యం చలాయితున్నారనీ ఆవేదన వ్యక్తం చేశారు. ప్రపంచ ధనికుల జాబితాలో 609 స్థానంలో ఉన్న వ్యక్తి 2స్థానం లోకి ఎలా ఎగబాకాడో ప్రజలు తెలుసుకోవాలనుకుంటున్నారన్నారు. అధాని ఆస్తుల కుంభకోణం పై జాయింట్ పార్లమెంటరీ కమిటీ వేయడానికి ఎందుకు భయపడుతున్నారని ప్రశ్నించారు.

హర్షత్ మెహాత, కేతన్ పరేక్ ల కుంభకోణం జరిగినప్పుడు పీవీ నరసింహారావు, వాజ్ పేయి లు జేపీసీ వేసి విచారణ జరిపారని గుర్తు చేశారు. మోడీ మిత్రుడు అదానీ ప్రపంచ వ్యాప్తంగా షెల్ కంపెనీ లు ఏర్పాటు చేసి షేర్ల కుంభకోణం చేశారన్నారు. ఎల్ ఐసీ, ఎస్ బీ ఐ లు కుప్పకూలాయనీ, విమానాశ్రయాలు, ఓడరేవులు, రక్షణ శాఖ, విద్యుత్ వంటి రంగాల్లో అదానీ కి అనుభవం లేకున్నా లక్షల కోట్ల రూపాయల కాంట్రాక్టు లు ప్రభుత్వం అప్పగించిందన్నారు. అక్రమాలు జరుగుతున్నాయని తెలిసినా కూడా కేంద్ర ప్రభుత్వ నిఘా సంస్థలు పట్టించుకోలేదన్నారు. ఈ విషయం లో ప్రభుత్వం ప్రతిపక్షాల గొంతు నొక్కతుందనీ ఆరోపించారు. సీబీఐ, సెబీ సంస్థ ల తో విచారణ జరపాలనీ డిమాండ్ చేశారు. లేదంటే దేశ వ్యాప్తంగా పోరాటం ఉధృతం చేస్తామని హెచ్చరించారు.