Former MLA : రైతులకు మెరుగైన సేవలు అందించాలి
దిశ, భిక్కనూరు : రైతులకు మెరుగైన సేవలు అందించాలని కామారెడ్డి మాజీ ఎమ్మెల్యే గంప గోవర్ధన్( Former MLA Gampa Govardhan )సూచించారు. భిక్కనూరు మండలం బస్వాపూర్ ఇంచార్జి సొసైటీ చైర్మన్ గా పదవీ బాధ్యతలు స్వీకరించిన ఆయన, తొలిసారిగా తన పాలకవర్గ సభ్యులతో కలసి హైదరాబాద్ సమీపంలోని ప్రెస్టేజ్ పార్కులో ఉన్న గంప గోవర్ధన్ నివాసానికి వెళ్లి మర్యాదపూర్వకంగా కలుసుకున్నారు. ఈ సందర్భంగా ఆయన మాట్లాడుతూ..వచ్చిన అవకాశాన్ని సద్వినియోగం చేసుకునేందుకు కష్టపడి పనిచేయాలన్నారు. సాధ్యమైనంతవరకు రైతులకు మెరుగైన సేవలు అందించాలని ధాన్యం కొనుగోళ్లలోరైతులకు ఇబ్బందులు కలగకుండా చూసుకోవాలని పిలుపునిచ్చారు. అనంతరం ఇంచార్జి సొసైటీ చైర్మన్ స్వామిని శాలువా కప్పి సత్కరించడమే కాకుండా, డైరెక్టర్లకు అభినందనలు తెలియజేశారు. ఈ కార్యక్రమంలో సొసైటీ డైరెక్టర్లు మోతె కిష్టారెడ్డి, రాజ నర్సింహారెడ్డి, సుధాకర్ రెడ్డి, గౌరీ గారి రాంరెడ్డి, పాతూరి రాజిరెడ్డి, నర్సింలు, జై నందం గౌడ్ గౌడ్ తదితరులు పాల్గొన్నారు.
