Actor Ali: నేను కాదు.. వాళ్లే సమాధానం చెప్తారు

దిశ, వెబ్‌డెస్క్: ఫామ్‌హౌజ్‌(Farmhouse)లో అక్రమ నిర్మాణాలు చేపడుగున్నారని ప్రముఖ సినీ నటుడు అలీ(actor Ali)కి గ్రామ కార్యదర్శి నోటీసులు జారీ చేసిన విషయం తెలిసిందే. తాజాగా.. ఆ నోటీసులపై అలీ(Ali) స్పందించారు. ఒక కన్వెన్షన్ సెంటర్ కోసం లీజుకు ఇచ్చానని అన్నారు. ఆ కట్టడాలపై లీజుకు తీసుకున్నవారే సమాధానం ఇస్తారని చెప్పారు. కాగా, వికారాబాద్ జిల్లా నవాబుపేట్(Nawabuppet) మండలం ఎక్మామిడి గ్రామ పంచాయతీ పరిధిలో సినీ నటుడు అలీకి ఫామ్ హౌస్ ఉంది. ఆ ఫామ్ హౌజ్‌ను అనుమతులు లేకుండా నిర్మించారని, అంతేకాకుండా ఫామ్ హౌస్లో అక్రమ నిర్మాణాలు చేపట్టారని గ్రామ పంచాయతీ తేల్చింది. అనుమతి లేకుండా నిర్మాణాలు చేపట్టారని గ్రామ సెక్రటరీ శోభారాణి(Village Secretary Sobharani) అలీకి నోటీసులు జారీ చేశారు.