అంజన్న గట్టు ఆలయంలో ప్రత్యేక పూజలు చేసిన ఎమ్మెల్యే

దిశ,తుర్కపల్లి; తుర్కపల్లి మండలం వీరారెడ్డిపల్లి గ్రామంలోని అంజన్న గట్టు ఆలయంలో ఆలేరు ఎమ్మెల్యే, ప్రభుత్వ విప్ బీర్ల ఐలయ్య కుటుంబ సభ్యులతో కలిసి ప్రత్యేక పూజలు నిర్వహించారు.కార్తీక మాస ఉత్సవాల్లో భాగంగా శివపార్వతుల కళ్యాణంలో పాల్గొన్నారు. ఆలయ నిర్వాహకులు ఎమ్మెల్యేకు గజమాలతో సన్మానించారు. అనంతరం అన్నదాన కార్యక్రమాన్ని నిర్వహించారు. ఈ కార్యక్రమంలో ఏ ఎం సి చైర్మన్ అయినాల చైతన్య మహేందర్ రెడ్డి, మాజీ చైర్మన్ ధనావత్ శంకర్ నాయక్, మండల వర్కింగ్ ప్రెసిడెంట్ చాడ భాస్కర్ రెడ్డి, మాజీ ఎంపీటీసీలు కానుగంటి శ్రీనివాస్ యాదవ్, మోహన్ బాబు, జిల్లా ఓబీసీ కన్వీనర్ దేవరుప్పల ఐలయ్య, బీసీ సెల్ మండల అధ్యక్షుడు రామగొని వెంకటేష్, ఎస్సీ సెల్ అధ్యక్షుడు సోన్నాయిల రఘు, నాయకులు, కార్యకర్తలు పాల్గొన్నారు.