కారు గుర్తుపై రాజగోపాల్ రెడ్డి గెలిచిండు... మంత్రి వేముల ప్రశాంత్ రెడ్డి టంగ్ స్లిప్(వీడియో)

దిశ, చౌటుప్పల్: మునుగోడు ఉప ఎన్నికల ప్రచారంలో భాగంగా యాదాద్రి భువనగిరి జిల్లా చౌటుప్పల్ మండల పరిధిలోని దేవలమ్మ నాగారంలో మంత్రి వేముల ప్రశాంత్ రెడ్డి మంగళవారం పర్యటించారు. ఈ సందర్భంగా గ్రామంలో ప్రజలనుద్దేశించి ఆయన మాట్లాడుతూ... 2018 ఎన్నికల్లో కారు గుర్తు మీద కూసుకుంట్ల ప్రభాకర్ రెడ్డి పోటీ చేయగా కాంగ్రెస్ తరపున కోమటిరెడ్డి రాజగోపాల్ రెడ్డి పోటీ చేశారని అన్నారు. కానీ ఎన్నికల్లో కూసుకుంట్ల ప్రభాకర్ రెడ్డి ఓడిపోయి కారు గుర్తు మీద రాజగోపాల్ రెడ్డి గెలిచాడని మంత్రి వేముల టంగ్ స్లిప్ అయ్యారు. దీంతో అక్కడున్న ప్రజలు ఒక క్షణం ఆశ్చర్యానికి గురయ్యారు.