అభివృద్ధి చేశాను... మరొకసారి ఆశీర్వదించండి

దిశ, నకిరేకల్: అవకాశం ఇచ్చిన ఐదేళ్లలో నియోజకవర్గాన్ని అభివృద్ధి చేశానని రాబోయే ఎన్నికల్లో మరొకసారి ఆశీర్వదించాలని బీఆర్ఎస్ పార్టీ అభ్యర్థి చిరుమర్తి లింగయ్య కోరారు. అభివృద్ధిని జీర్ణించుకోలేక విమర్శలు చేస్తున్న కాంగ్రెస్ పార్టీకి ఓటుతో బుద్ధి చెప్పాలన్నారు. కట్టంగూరు మండలంలో నిర్వహించిన ప్రచార కార్యక్రమంలో పాల్గొని ఆయన మాట్లాడారు. అవకాశం ఇచ్చినప్పుడు అభివృద్ధి చేయకుండా అరాచకం చేసిన వ్యక్తులకు నియోజకవర్గంలో స్థానం లేదు, డబ్బుల సంచులతో వచ్చి కొనుగోలు చేయాలని చూస్తున్నారని వారికి గుణపాఠం తప్పదన్నారు. రాష్ట్రంలో దేశంలోనే ఎక్కడా లేనటువంటి సంక్షేమ పథకాలు అమలవుతున్న విషయాన్ని గుర్తు చేశారు. కోట్ల రూపాయలతో అభివృద్ధి చేస్తే విమర్శించడం వారి కుటిల బుద్ధికి నిదర్శనం అన్నారు. ఎవరో వచ్చి ఏదో చేస్తారని ఇక్కడి ప్రజలు నమ్మటం లేదన్నారు. అనునిత్యం ప్రజల కోసం వెంటే ఉన్న తనను గుండెల్లో పెట్టుకొని చూస్తున్నారని ఆశాభావం వ్యక్తం చేశారు. నకిరేకల్ నియోజకవర్గంలో గెలిచేది మనమేనని అధికారంలోకి వచ్చేది బీఆర్ఎస్ పార్టీ అని జోష్యం చెప్పారు. ఈ కార్యక్రమంలో రాష్ట్ర నాయకులు చెరుకు సుధాకర్, జెడ్పీటీసీ తరాల బలరాం యాదవ్, వివిధ గ్రామాల సర్పంచులు, ఎంపీటీసీలు తదితరులు పాల్గొన్నారు.