తెలంగాణ పథకాలనే మోడీ కాపీ పేస్ట్: ఎంపీ నామా హాట్ కామెంట్స్

దిశ, వెబ్‌డెస్క్: ప్రధాని మోడీపై ఖమ్మం పార్లమెంట్ బీఆర్ఎస్ అభ్యర్థి నామా నాగేశ్వర్ కీలక వ్యాఖ్యలు చేశారు. శుక్రవారం ఆయన మీడియాతో మాట్లాడుతూ.. పదేళ్లలో ప్రధాని మోడీ దేశానికి ఏమీ చేయలేదని విమర్శించారు. తెలంగాణలో కేసీఆర్ ప్రవేశపెట్టిన పథకాలను మోడీ కాపీ కొట్టారని అన్నారు. బీజేపీని ఎదిరిస్తోన్న ప్రతిపక్షాలపై ఈడీ, ఐటీ, సీబీఔ దాడలు చేయిస్తున్నారని మండిపడ్డారు. దేశంలో ప్రాంతీయ పార్టీలు లేకుండా బీజేపీ కుట్ర చేస్తోందంటూ ఫైర్ అయ్యారు. ప్రధాని మోడీ చెబుతున్నట్లుగా బీజేపీతో పొత్తుకు మేం ఎలాంటి ప్రతిపాదన చేయలేదని క్లారిటీ ఇచ్చారు. బీఆర్ఎస్ ఎవరికీ బీ టీమ్ కాదని తేల్చిచెప్పారు. ఇక, అసెంబ్లీ ఎన్నికల్లో అమలుకు సాధ్యం కానీ హామీలు ఇచ్చి కాంగ్రెస్ ప్రజలను మోసం చేసిందని విమర్శించారు. తెలంగాణకు బీజేపీ, కాంగ్రెస్ పార్టీలు చేసిందేమి లేదని అన్నారు.