HYD: టీటీడీ చైర్మన్‌ను కలిసిన మంత్రి తుమ్మల నాగేశ్వర రావు

దిశ, వెబ్‌డెస్క్: మంత్రి తుమ్మల నాగేశ్వర రావు(Minister Tummala Nageswara Rao) టీటీడీ చైర్మన్ బీఆర్ నాయుడును కలిశారు. హైదరాబాద్‌లోని బీఆర్ నాయుడు(BR Naidu) నివాసంలో మర్యాదపూర్వంగా సమావేశం అయ్యారు. శ్రీవారి భక్తులకు ఎలాంటి సమస్యలు రాకుండా చూడాలని ఈ సందర్భంగా విజ్ఞప్తి చేశారు. తెలంగాణ ప్రజాప్రతినిధుల సిఫారసు లేఖలను అనుమతించాలని మంత్రి తుమ్మల రిక్వెస్ట్ చేశారు. తిరుమలలో తెలంగాణ ఎమ్మెల్యేల(Telangana MLAs) సిఫారసు లేఖలను అనుమతించాలని.. అలా అనుమతించకుంటే ఎంతవరకైనా వెళతామని కాంగ్రెస్‌ ఎమ్మెల్యేలు ఇటీవల ప్రకటించిన విషయం తెలిసిందే. తమ నుంచి వచ్చే కృష్ణానది జలాలను వాడుకుంటున్న మీరు.. వెంకన్న స్వామి దర్శనానికి మా ఎమ్మెల్యేల లేఖలను ఎందుకు అనుమతించరో చెప్పాలని తీవ్ర వ్యాఖ్యలు చేశారు.