Breaking: తిరుపతిలో తొక్కిసలాట... నాలుగుకు చేరిన మృతులు

దిశ, వెబ్ డెస్క్: తిరుపతికు(Tirupati) తొక్కిసలాట ఘటనలో మృతుల సంఖ్య నాలుగుకు చేరింది. ఇప్పటికే ముగ్గురు మృతి చెందగా.. తాజాగా మరొకరు ఆస్పత్రిలో కన్నుమూశారు. దీంతో తిరుపతిలో తీవ్ర విషాదం చోటు చేసుకుంది. ఈ నెల 10వ నుంచి 19వ తేదీ వరకూ తిరుమలలో శ్రీవారి వైకుంఠ ద్వార దర్శనాల(Srivari Vaikunta Darshans)కు టీటీడీ(TTD) అన్ని ఏర్పాట్లు చేసింది. అయితే టోకెన్ల(Tokens) ద్వారా భక్తులను దర్శనాలకు అనుమతించనున్నారు. ఇందుకోసం తిరుపతిలో 9 కేంద్రాలు ఏర్పాటు చేశారు. ఈ కేంద్రాల్లో గురువారం తెల్లవారుజాము నుంచి టోకెన్ల జారీ ప్రక్రియ ప్రారంభంకానుంది.

అయితే ఈ సాయంత్రానికే భక్తులు భారీగా తరలివచ్చారు. క్యూ లైన్‌లో బారులు తీశారు. అయితే భక్తుల మధ్య ఒక్కసారిగా తొక్కిసలాట జరిగింది. ఈ ఘటనలో నలుగురు భక్తులు ప్రాణాలు కోల్పోయారు. మొత్తం 25 మంది వరకూ అస్వస్థతకు గురయ్యారు. దీంతో తిరుపతి రుయా ఆస్పత్రికి తరలించారు. ఆస్పత్రిలో మరో నలుగురి పరిస్థితి విషమంగా ఉన్నట్లు తెలుస్తోంది. ఒక్కసారిగా జరిగిన ఈ ఘటనతో తిరుపతిలో గందరగోళం పరిస్థితి నెలకొంది.