మెగాస్టార్ చిరంజీవికి నేను పెద్ద ఫ్యాన్: మంత్రి కోమటిరెడ్డి

దిశ, వెబ్‌డెస్క్: తెలంగాణ ప్రభుత్వం ఆధ్వర్యంలో పద్మ అవార్డు గ్రహీతలకు ఘన సన్మానం చేశారు. ఆదివారం హైదరాబాద్‌లోని శిల్పకళా వేదికలో ఈ కార్యక్రమం నిర్వహించారు. ఈ సందర్భంగా రాష్ట్ర సినిమాటోగ్రఫీ మంత్రి కోమటిరెడ్డి వెంకట్ రెడ్డి మాట్లాడుతూ.. తెలుగువారికి పద్మ అవార్డులు వరించడం మనందరి అదృష్టమన్నారు. ముఖ్యంగా వెంకయ్య నాయుడు, నా అభిమాన హీరో మెగాస్టార్ చిరంజీవికి ప్రత్యేక శుభాకాంక్షలు చెప్పారు. తాను మెగాస్టార్ చిరంజీవికి పెద్ద అభిమానిని అని చెప్పారు. చిన్నప్పటి నుంచి సినిమాలను చూస్తున్నానని అన్నారు. సినీ రంగంలో ఆయన ఎదిగిన తీరు అందరికీ ఆదర్శమన్నారు. కేవలం సినిమాలకే పరిమితం కాకుండా ఎన్నో సేవా కార్యక్రమాలు చేసి ప్రజల గుండెల్లో తనదైన ముద్ర వేసుకున్నారని అన్నారు. బ్లెడ్ బ్యాంక్ లాంటివి స్థాపించి గొప్ప మనసు చాటుకున్న వ్యక్తి అన్నారు.