మంత్రి KTRపై రేవంత్ రెడ్డి కీలక వ్యాఖ్యలు

దిశ, వెబ్‌డెస్క్: టీపీసీసీ చీఫ్ రేవంత్ రెడ్డి మంత్రి కేటీఆర్‌పై కీలక వ్యాఖ్యలు చేశారు. ఓ ఆంగ్ల ఛానల్ ఇంటర్వ్యూలో కేటీఆర్‌కు మీకు మధ్య పోటీ ఉందా అని అడగగా.. ‘నాకు, కేటీఆర్‌కు పోలిక లేదు. కేటీఆర్ మేనేజ్‌మెంట్ కోటా, నేను మెరిట్ కోటా. పోటీ అంటూ ఉంటే కేసీఆర్‌కు నాకు మధ్యే. కేటీఆర్‌కు సీఎం కుమారుడిగానే గుర్తింపు ఉంటుంది. నాకు ఎవరితోనైనా పోటీ అంటే అది కేసీఆర్, బండి సంజయ్ వంటి వారితోనే..’ అని తెలిపారు. తెలంగాణ ఎన్నికలపై రేవంత్ స్పందిస్తూ.. స్టేట్‌లో కేసీఆర్ వర్సెస్ కాంగ్రెస్ అన్నట్లుగా పోటీ జరిగిందని చెప్పారు. ఎన్నికల్లో ప్రతికూల ఫలితాలు రానున్నాయనే సంకేతాలతో మూడు రోజులుగా ప్రగతి భవన్‌ను ఖాళీ చేయడానికి వీలుగా సామాన్లు తరలిస్తున్నారన్నారు.