డిప్యూటీ సీఎం భట్టిని కలిసిన మెగాస్టార్ చిరంజీవి (వీడియో)

దిశ, వెబ్‌డెస్క్: తెలంగాణ డిప్యూటీ సీఎం మల్లు భట్టి విక్కమార్కతో మెగాస్టార్ చిరంజీవి భేటీ అయ్యారు. గురువారం భార్య సురేఖతో కలిసి ప్రజాభవన్‌కు వచ్చి మర్యాదపూర్వకంగా కలిశారు. చిరంజీవి దంపతులకు భట్టి విక్రమార్క పుష్పగుచ్చం అందించి స్వాగతం పలికారు. కాశ్మీర్ నుంచి ప్రత్యేకంగా తెప్పించిన శాలువాతో భట్టి విక్రమార్కని చిరు సత్కరించారు. అలాగే భట్టి విక్రమార్క కూడా చిరంజీవిని శాలువాతో సత్కరించారు. భట్టి విక్రమార్క సతీమణి మల్లు నందిని విక్రమార్క, కుమారుడు సూర్య విక్రమాదిత్య చిరంజీవి దంపతులకు ఆత్మీయ ఆతిథ్యం పలికారు. కాగా, తెలంగాణ కొత్త మంత్రులను ఒక్కొక్కరిని మెగాస్టార్ కలుస్తున్నారు. ఇటీవల సీఎం రేవంత్ రెడ్డిని కలిసి శుభాకాంక్షలు తెలియజేశారు.