కాంగ్రెస్ నేతల అతి ఉత్సాహం.. బ్యానర్లో టీపీసీసీ అధ్యక్షుని ఫోటో మరిచిన నేతలు..

దిశ, మేడ్చల్ టౌన్ : మేడ్చల్ కాంగ్రెస్ నేతల అతి ఉత్సాహం వారిని అబాసు పాలు చేస్తుంది. కండ్లకోయ లోని నిర్మల గార్డెన్ లో నిర్వహించు గ్రంథాలయ చైర్మన్, మార్కెట్ కమిటీ చైర్మన్ ల ప్రమాణ స్వీకారోత్సవం కోసం భారీ ఎత్తున బ్యానర్లను కట్టారు. అయితే బ్యానర్లలో రాష్ట్ర కాంగ్రెస్ రథసారథి మహేష్ గౌడ్ ను మర్చిపోయారు.

ఇదేవిధంగా ప్రమాణస్వీకారం ఉత్సవంలో పాల్గొనేందుకు వస్తున్న ఎమ్మెల్సీ పట్నం మహేందర్ రెడ్డి, ఆయన భార్య జెడ్పీటీసీ పట్నం సునీత రెడ్డిల ఫోటోలను మర్చిపోయారు. అయితే చివరి క్షణంలో పొరపాటును గ్రహించిన కాంగ్రెస్ నేతలు చిన్నగా వారి ఫోటోలను ఫ్లెక్స్ ల మీద అతికించారు. మేడ్చల్ కాంగ్రెస్ నేతలకు రాష్ట్రస్థాయి నాయకులు ఎవరు ? మండల స్థాయి నాయకులు ఎవరు ? అని భేదం తెలియదా అంటూ ముక్కున వేలేసుకుంటున్నారు.