అక్రమంగా బ్లాస్టింగ్.. ఇద్దరి పై కేసు నమోదు..

దిశ, మేడ్చల్ టౌన్ : అక్రమంగా బ్లాస్టింగ్లకు పాల్పడుతున్న ఇద్దరు పై కేసు నమోదు చేసిన ఘటన శామీర్పేట్ పోలీస్ స్టేషన్ పరిధిలో చోటుచేసుకుంది. ఎస్సై పరశురాం తెలిపిన వివరాలు ప్రకారం షామీర్పేట్ మండలంలోని ఉప్పరపల్లి గ్రామంలో ఐవివై లీగ్ అకాడమీ బ్లాస్టింగ్ కి పాల్పడుతున్నారని పక్కా సమాచారంతో సంఘటన స్థలానికి వెళ్లి పరిశీలించారన్నారు.

సిద్దిపేట జిల్లా వర్గల్ మండలం జుబ్బాపూర్ గ్రామానికి చెందిన పల్లపు కనకయ్య (36) ఎలాంటి అనుమతులు లేకుండా బ్లాస్టింగ్ నిర్వహిస్తున్నట్లు ఎస్సై తెలిపారు. సంఘటనా స్థలం నుంచి డిటోనెటర్లు, జలటిన్ కర్రలు, జెలటిన్ స్టిక్, బ్లాస్టింగ్ కంప్రెసర్ వాహనం స్వాధీనం చేసుకున్నట్లు ఎస్సై చెప్పారు. కనకయ్యతో పాటు స్థల యజమాని కొంపల్లి చెందిన విజయవర్ధన్ రెడ్డి పై కూడా కేసు నమోదు చేసినట్లు ఎస్సై పరశురాం తెలిపారు.